Uturuki imepinga vikali madai yasiyo na msingi ya baadhi ya maafisa wa Israel dhidi ya Rais wa Uturuki Recep Tayyip Erdogan, Wizara ya mambo ya nje imesema.
"Jitihada za baadhi ya maafisa wa Israeli, ambao hawawezi kuvumilia hata semi za ukweli mtupu, za kubadilisha ajenda ikifuatana na upotoshaji na kashfa kwa matumaini ya kuficha mauaji ya kikatili yanayolenga raia wa Palestina huko Gaza, hayatatoa natija," Wizara ilisisitiza katika taarifa Jumapili.
"Kulengwa kwa Umoja wa Mataifa, Katibu mkuu wa Umoja wa Mataifa Antonio Guterres na Rais wetu Recep Tayyip Erdogan na tawala hizi, ambao wamefanya uhalifu dhidi ya ubinadamu mbele ya ulimwengu wote lakini hawawezi hata kuvumilia kukosolewa na kulaaniwa, ni dalili wazi ya udhaifu ambao wameangukia," ilisema.
"Tunarudisha mashtaka ya chuki dhidi ya Wayahudi, kashfa na matusi" Erdogan na Uturuki yenyewe "kwa waingiliaji kwa njia ile ile," ilisema. "Tofauti na nchi nyingi zinazounga mkono Israeli bila masharti leo, inajulikana kwa kila mtu kuwa rekodi ya Uturuki juu ya suala hili haina doa na ni safi."
"Ni ukweli kwamba wanahistoria wote wamekiri kwamba Uturuki imekuwa sehemu salama kwa kila mtu ambaye ameteswa katika historia yote, wakiwemo Wayahudi," ilibainisha.
Wizara hiyo iliitisha mamlaka za Israeli " zizingatie kwa haraka wito wa amani na kusitisha mapigano waliyopewa ili kukomesha ukatili huu unaolenga uharibifu kamili wa wakazi wa Gaza."
Gaza imekuwa chini ya mashambulizi ya ndege ya Israel tangu shambulio la ghafla la Hamas mnamo Oktoba 7.
Kundi la Wapalestina lilikuwa limeanzisha operesheni ya 'Flood Al Aqsa,' shambulio la kushtukiza lenye pande nyingi ambalo lilijumuisha mlipuko wa makombora na uvamizi ndani ya Israeli kwa ardhi, bahari na anga.
Israel ilijibu kwa kampeni isiyokoma ya mashambulizi ya anga, ambayo yaliongezeka mwishoni mwa Juma, pamoja na shughuli za ardhini katika hali ya kukatika kabisa kwa mawasiliano ya simu na mitandao ya intaneti.
Angalau Wapalestina 7,703, wakiwemo watoto 3,595, wameuawa katika mashambulizi ya Israeli, huku idadi ya vifo nchini Israeli ikifika zaidi ya 1,400.
Wakazi milioni 2.3 wa Gaza pia wanakabiliwa na uhaba wa chakula, maji na dawa kutokana na kuzingirwa kwa eneo hilo na Israel. Ni malori machache tu ya misaada ambayo yamevuka Gaza tangu kufunguliwa kwa kituo cha mpaka cha kuvuka cha Rafah wikendi iliyopita.
