Nchi 10 zenye matajiri wengi Afrika

Kulingana na ripoti hiyo, Afrika Kusini, Misri, Nigeria, Kenya, na Morocco ndio mataifa yanayoongoza kwa matajiri wengi barani Afrika huku kwa pamoja yakichangia asilimia 56 ya watu wenye thamani kubwa ya mali na zaidi ya 90% ya mabilionea wa bara hilo.

Afrika kusini ndio taifa lenye matajiri wengi Afrika huku miji minne kati ya miji 10 ya utajiri zaidi barani Afrika ikipatikana Afrika Kusini. Jiji la Johannesburg ndilo jiji lenye mamilionea wengi Barani Afrika ikiwa na mamilionea 14,600.

Kulingana na takwimu za hivi karibuni za New World Wealth, kuna takriban nyumba za kifahari 3,700 nchini Afrika Kusini ambazo zina thamani ya zaidi ya dola milioni 1. Kutokana na hili, Afrika Kusini ni mojawapo ya masoko 20 makubwa ya makazi duniani, mbele ya nchi nyingine za Afrika na kulingana na masoko makubwa yanayoibuka kama vile India na Brazil.

Tajiri namba moja Afrika, Aliko Dangote, bilionea na afisa mkuu mtendaji wa Kundi la Dangote, katika mikutano ya kila mwaka ya Shirika la Fedha la Kimataifa (IMF) na Benki ya Dunia huko Marrakesh, Morocco, siku ya Jumatano, Oktoba 11, 2023.

Orodha hiyo ni kwa mujibu wa ripoti ya hivi karibuni ya 'Utajiri wa Afrika 2023', iliyotolewa na Henley & Partners ikishirikiana na New World Wealth.

Nchi ya Misri, ndio yenye idadi ya pili ya mamilionea wengi barani Afrika.

Misri ndio imetambulika kuwa nchi yenye mabilionea wengi barani Afrika huku mji mkuu wake wa Cairo, ikiwa jiji la pili lenye matajiri wafikao 7,400.

Jiji la nne lenye matajiri wa juu ni Lagos, Nigeria ikiwa na mamilionea 5,400.

Kenya ndio nchi ya nne yenye matajiri ikiwa na mamilionea wafikao 7,700.

Morocco ndio nchi inayoorodheshwa nafasi ya tano, ikiwa na na mamilionea 5,800.

Durban, katika nafasi ya 6 na 3,600 Na Pretoria katika nafasi ya 8 na mamilionea 2,400.

Tajiri mkubwa zaidi Afrika Mashariki, Mohammed Dewji, bilionea na afisa mkuu mtendaji wa MeTL Group, akizungumza wakati wa kikao cha jopo siku ya pili ya Jukwaa la Uchumi la Qatar (QEF) mjini Doha, Qatar, Jumatano, Juni 22, 2022.

Mauritius ndio nchi ya sita yenye utajiri Afrika nyuma ya Morocco ikiwa nchi inayoorodheshwa katika nafasi ya sita.

Algeria, taifa linalofahamika kwa mastaa wa soka maarufu Afrika Kaskazini, ndio nchi inayoorodheshwa nafasi ya saba.

Ethiopia ambayo ni nchi maarufu kwa wanariadha bora Afrika, inaorodheshwa nafasi ya nane.

Ghana ndio nchi inayoshikilia nafasi ya tisa.

Tanzania ndio nchi inayokamilisha orodha ya nchi kumi bora.

Idadi ya mamilionea barani Afrika inatarajiwa kuongezeka kwa asilimia 42% katika kipindi cha miaka 10 ijayo, na kufikia karibu 195,000 ifikapo 2032, kulingana na ripoti hiyo.

Nchi hizo 10 ni kama ifuatavyo: