Mkurugenzi wa Mawasiliano wa Uturuki, Fahrettin Altun, amelaani unyanyasaji wa wanahabari wa TRT wakati wa matangazo ya moja kwa moja huko Tel Aviv.
Altun alisisitiza kuwa mamlaka ya Israeli na walowezi wanalenga waandishi wa habari ambao wanafichua machafuko ya eneo hilo.
"Waandishi wa habari wanaoiambia dunia kuhusu mauaji ya Gaza na Lebanon wanalengwa sio tu na vikosi vya usalama vya Israeli bali pia na wavamizi wa Israeli waliojifanya kuwa raia," Altun alisema katika taarifa yake kupitia mtandao wa X baada ya tukio hilo.
Tukio hilo lilihusisha mwandishi wa TRT Mucahit Aydemir na mpiga picha Omar Awwad, ambao walikatishwa na mwanamume wa Israeli, anayeonekana kuwa raia wa kawaida, wakati wakifanya matangazo ya habari kuhusu uharibifu wa kombora huko Tel Aviv.
Licha ya kuwasilisha hati tambulishi kwa wanahabari, walinyanyaswa mara kwa mara, huku mtu huyo akiwaambia "kwenda kafanya kazi yako Uturuki."
Altun alisisitiza kwamba hii halikuwatukio la pekee, akibainisha tabia ya kizuizi kinacholenga kunyamazisha matangazo habari kuhusu operesheni za Israeli huko Gaza na Lebanon.
"Vikosi vya Israeli na raia kwa pamoja vinalenga waandishi wa habari wanaofichua ghasia zinazoendelea," alisema.
“Kwa wale wanaofikiri wanaweza kuficha ukweli kwa kujaribu kuzuia waandishi wa habari kuripoti yanayoendelea duniani: Hamtafanikiwa,” alisema Mkurugenzi Mkuu Mehmet Zahid Sobaci wa TRT huku akilaani tukio hilo.
