Mfungaji hodari wa Tanzania Bernard Kamungo anazidi kugonga vichwa vya habari huku akizidi kujitangaza miongoni mwa wapenzi wa soka Marekani kufuatilia mpira wake.
Huku uhodari wa Lionel Messi ukishinda kwenye vinywa vya wengi, Mtanzania Bernard Kamungo anayeichezea klabu ya Dallas, naye amezua gumzo Marekani baada ya kuifungia klabu ya FC Dallas goli kwenye sare yao ya 4-4.
Licha ya nyota wa Argentina Lionel Messi kutikisa wavu kwa kufunga bao lake la tatu mfululizo katika mechi yake ya nne Miami, Kamungo amejizolea umaarufu hata baada ya timu yake kufungwa 5-3 kupitia mikwaju ya penalti.
Hadi sasa Kamungo ameifungia Dallas mabao 3 ndani ya mechi 12.
Dallas wanashikilia nafasi ya 8 ikiwa na pointi 30 Kwenye Jedwali ya Western Conference.
Alijiunga na FC Dallas kutoka North Texas SC aliojiunga nao kwa njia ya majaribio baada ya kaka yake kumlipia dola 100 ya ada ya majaribio.
Aidha alifunga goli la kutoka sare 2-2 dhidi ya Charlotte kwenye kombe la ligi alipofunga kunako dakika ya 90.
Ni mfungaji bora zaidi kwenye timu ya vijana ya North Texas kwa kufunga mabao 22 katika michezo 52 ndani ya misimu miwili.
