Mwanariadha wa Uganda Jacob Kiplimo alivunja rekodi ya dunia ya mbio za nusu marathon kwa muda wa dakika 56 na sekunde 41 mjini Barcelona Jumapili, sekunde 49 zaidi ya alama ya awali iliyowekwa na Yomif Kejelcha wa Ethiopia mwezi Oktoba.
Mbio za bingwa wa dunia wa mbio za nyika mara mbili Kiplimo zilikuwa bora zaidi katika rekodi ya nusu marathon ya wanaume, Riadha ya Dunia ilisema kwenye tovuti yake.
Akikimbia katika mazingira bora ya hali ya hewa ya 13ºC bila upepo, Kiplimo akawa mwanariadha wa kwanza kuvunja dakika 57 kwa umbali huo na pia kuweka bora zaidi wa dunia wa 39:47 kwa kilomita 15 akielekea kwenye rekodi yake ya dunia ya nusu marathon.
Wakati wa mkutano wa kiufundi uliofanyika Jumamosi mchana mdundo wa 2:45/km ulikubaliwa kupangwa na Edwin Kimosong wa Kenya kwa kilomita za ufunguzi, lakini kasi hiyo ya dakika 58 ilikuwa rahisi sana kwa Kiplimo kwani Muganda huyo, aliyekuwa na hamu ya kurejesha rekodi ya dunia aliyoweka Lisbon mwaka wa 2021, alichukua uongozi kamili wa mbio hizo kwa dakika nane.
Kuanzia wakati huo Kiplimo alitoa onyesho la ajabu la nguvu, akienda kasi na kasi zaidi kufikia kilomita 5 kwa 13:34, tayari kwenye kasi ya rekodi ya dunia.
Wakenya Geoffrey Kamworor na Samwel Mailu walisukumana bega kwa bega sekunde 19 nyum katik anafasi za pili na tatu, huku bingwa wa Uropa wa Italia Yemaneberhan Crippa akiwa mpweke kwa dakika 14:02.
Toshikazu Yamanishi wa Japan alivunja rekodi ya dunia ya mbio za kilomita 20 za wanaume mapema Jumapili, akitumia saa moja, dakika 16 na sekunde 10 huko Kobe na kushinda alama iliyowekwa na mshirika wake Yusuke Suzuki mnamo 2015.
