Mwanariadha wa Uganda Benjamin Kiplagat amekutwa amefariki nchini Kenya, polisi walisema Jumapili, huku ripoti za vyombo vya habari vya eneo hilo vikisema aliuawa.
Kiplagat, mwenye umri wa miaka 34 alizaliwa Kenya, aliwakilisha Uganda kimataifa katika mbio za mita 3,000 za kuruka viunzi na maji, ikiwa ni pamoja na Michezo kadhaa ya Olimpiki na Mashindano ya Dunia.
Mwili wake ulipatikana ndani ya gari usiku wa Jumamosi pembezoni mwa mji wa Rift Valley wa Eldoret, makazi ya wanariadha wengi.
"Uchunguzi umeanza na maafisa wako ardhini wakifuatilia vidokezo," kamanda wa polisi wa eneo hilo Stephen Okal aliwaambia waandishi wa habari huko Eldoret.
Alisema mwili wa Kiplagat ulikuwa na jeraha kubwa la kisu shingoni, likiashiria kuwa alichomwa kisu.
