Kenya iliishinda Afrika Kusini 17-12 katika fainali kali ya raga iliyochezwa katika mji mkuu wa Zimbabwe Harare siku ya Jumapili na kujihakikishia nafasi ya kushiriki Michezo ya Olimpiki ya 2024 huko Paris.
Kenya sasa inaungana na Ufaransa, New Zealand, Argentina, Fiji, Australia, Uruguay, Ireland na Marekani katika kinyang'anyiro hicho cha Paris.
Nafasi tatu za mwisho zitaenda kwa nchi katika mikoa ya Oceania na Asia.
Afrika Kusini walikuwa ndio wanaopigiwa upato kunyakua ubingwa wa mashindano hayo, lakini Kenya ilifanya onyesho lililowashangaza vigogo hao wa raga.
Timu ya raga ya Kenya hapo awali iliwakilisha Afrika kwenye Michezo ya Olimpiki ya Rio 2016 na Olimpiki ya London 2012.
Katika kuelekea fainali, Kenya iliibuka mshindi dhidi ya Zambia, Namibia na Nigeria katika kundi lapo B.
Safari ya kufika fainali
Timu hiyo ya Afrika Mashariki iliishinda Burkina Faso 26-0 katika robo fainali, na baada ya hapo iliishinda Zimbabwe 35-10 katika nusu fainali.
Afrika Kusini, kwa upande mwingine, iliminyana na Tunisia, Madagascar na Côte d'Ivoire katika bwawa A, ambapo walishinda kwa urahisi.
Afrika Kusini, baada ya hapo, ilikutana na Nigeria katika robo fainali, ambapo waliwafunga wawakilishi hao wa Afrika Magharibi mabao 27-0 na kuwekeana miadi na Uganda katika nusu fainali. Afrika Kusini iliishinda Uganda 26-14 na kutinga fainali.
Licha ya kuwa nyuma ya Afrika Kusini 12-7 hadi mapumziko, Kenya ilirejea huku ikiwa imefanyiwa marekebisho na kuwashangaza wapinzani wao 17-12 na kushinda fainali.
Akipongeza ushindi wa Kenya, Rais wa nchi hiyo William Ruto alisema kwenye mtandao wa X: “Nimefurahishwa na onyesho la ajabu la shujaa dhidi ya Afrika Kusini katika fainali ya Afrika ya Rugby Sevens mjini Harare. Tunawapa msaada wetu wote unapojiandaa kwa Olimpiki ya Paris ya 2024."
Michezo ya Olimpiki ya Paris itafanyika kuanzia Julai 26 hadi Agosti 11, 2024.
