Shirika la Fedha la Kimataifa, IMF linaashiria Liberia kama "nchi dhaifu na yenye kipato cha chini."
Nchi hiyo hata hivyo, ina utajiri wa asili ambao kwa kiasi kikubwa unanufaisha nchi za nje, kupitia makampuni ya kimataifa ambayo yana operesheni humo.
Kilimo ndio sekta inayoongoza katika uchumi wa Liberia.
Karibu nusu ya eneo la ardhi linafaa kwa shughuli za kilimo, ingawa asilimia ndogo inayotumika kwa kilimo. Mashamba ya kibiashara mara nyingi huendeshwa na wageni.
Wakulima hufanya kilimo mseto ambapo huchanganya kilimo cha mpunga, mihogo na mbogamboga.
Pia kuna ufugaji wa mbuzi, kondoo, kuku na bata. Kilimo cha mazao ya biashara kama vile kahawa, kakao (inayopandwa kwa ajili ya mbegu zake, maharage ya kakao), mawese kwa ajili ya mafuta, miwa, na mchele.
Liberia ina madini
Kihistoria, uchimbaji wa madini - hasa wa chuma, dhahabu na almasi - umekuwa sekta inayoongoza nje ya nchi.
Madini makubwa huuzwa nje ya nchi hasa yakiwa ghafi au yamekamilika. Manganese, bauxite, uranium, zinki, na amana za risasi pia zipo.
Uchimbaji madini (na wachimbaji wadogo, wengi wao wa dhahabu na almasi), unafanyika katika maeneo mengi ya Liberia.
Mauzo ya mpira (rubber) kutoka Liberia yalikuwa na thamani ya dola za Kimarekani milioni 112.7 mwaka 2022. Mwaka huo, Liberia iliorodheshwa kama nchi ya kumi na tano kwa ukubwa inayouza mpira wa asili duniani kote, kwa kuzingatia mauzo.
Marekani na nchi za Umoja wa Ulaya ni miongoni mwa masoko makuu ya mauzo ya nje ya Liberia. Mpira unachangia sehemu kubwa ya mapato ya nje ya Liberia, ikifuatiwa na dhahabu, almasi, kahawa na kakao.
Misitu ya mvua huzalisha mbao ngumu na yenye thamani kubwa, hasa mashariki mwa nchi hiyo, lakini pia katikati na magharibi.
Makampuni ya kimataifa yanatoa miti kusini mashariki na kaskazini magharibi mwa Liberia.
