Watu wenye silaha waliripotiwa kuua wakili wa upinzani Msumbiji na afisa wa chama baada ya kufyatua risasi kadhaa katika gari walilokuwa wakisafiria siku ya Jumamosi, mashirika ya kutetea haki za binadamu yalisema, na kuzua mvutano kabla ya maandamano ya kupinga matokeo ya uchaguzi yenye utata.
Mwenyekiti wa Tume ya Umoja wa Afrika, AU, Moussa Faki Mahamat, amelaani mauaji ya Elvino Dias na Paulo Gambe nchini Mozambique katika vita ambavyo vimezuka baada ya Uchaguzi Mkuu nchini humo.
"Mwenyekiti anatoa wito kwa mamlaka ya usalama ya Msumbiji kufanya uchunguzi unaohitajika na kuwafikisha wahusika mbele ya sheria," Faki amesema katika taarifa.
Chama kipya cha upinzani PODEMOS na mgombea wake wa urais Venancio Mondlane wamekataa matokeo ya muda yanayoonyesha uwezekano wa kushinda kwa FRELIMO- chama ambacho kimetawala Msumbiji kwa nusu karne - na mgombea wake Daniel Chapo.
Wameitisha mgomo wa kitaifa siku ya Jumatatu.
Tume ya AU imesema mwenyekiti anaendelea kufuatilia kwa karibu matokeo ya Uchaguzi Mkuu wa Msumbiji uliofanyika Oktoba 9, 2024 na ameeleza wasiwasi wake kuhusu matukio ya ghasia za baada ya uchaguzi na hasa mauaji ya hivi karibuni.
AU ilipeleka ujumbe wa muda mfupi wa waangalizi wa uchaguzi nchini Msumbiji.
"Mwenyekiti anawataka wahusika wote wa kisiasa kudumisha hali ya amani wakati nchi ikisubiri kutangazwa rasmi kwa matokeo ya mwisho na Baraza la Katiba,"
Mwenyekiti wa AU ametoa wito wa utulivu na utulivu huku akivitaka vyama vyote vya siasa na wafuasi wao kuruhusu taratibu zinazofaa kwa maslahi ya jumla ya utulivu wa Msumbiji.
