Mahakama ya kijeshi nchini Uganda Jumanne iliahirisha kesi inayomkabili mkongwe wa upinzani Kizza Besigye hadi mwaka ujao baada ya wakili wake kiongozi kuzuiwa kufanya kazi nchini humo.
Besigye alinyakuliwa mwezi uliopita kutoka nchi jirani ya Kenya alipokuwa Nairobi kuhudhuria uzinduzi wa kitabu na mwanasiasa na wakili wa upinzani nchini Kenya Martha Karua, kulingana na mke wake na mashirika ya kutetea haki za binadamu.
Kanali huyo mstaafu wa jeshi mwenye umri wa miaka 68 ameshtakiwa kwa kumiliki silaha na makosa mengine katika mahakama ya kijeshi.
Anasimama mahakamani pamoja na kiongozi mwingine wa upinzani, Hajji Lutale Kamulegeya, ambaye pia alizuiliwa Nairobi.
'Vikwazo vya kisheria'
Siku ya Jumanne, Mahakama Kuu ya Kivita ya Kampala iliamua kwamba itaendelea kusikiliza kesi hiyo Januari 7, 2025, kufuatia ombi la timu ya utetezi.
Karua, ambaye ni wakili wake mkuu, alinyimwa cheti cha muda cha kufanya kazi na Baraza la Sheria la Uganda, ambalo lilitaja ombi lake kuwa lilichochewa kisiasa.
"Tunakabiliwa na vikwazo vya kisheria," wakili Erias Lukwago aliiambia mahakama, katika kikao kilichokuwa na majibizano makali.
Wakili mwingine anayemwakilisha Besigye aliwekwa chini ya ulinzi kabla ya kusikilizwa kwa kesi hiyo Jumanne, upande wa utetezi ulisema.
'Mahakam ainajivuta '
"Mahakama inachukua muda wake. Walipanga kuwa Besigye na mwenzetu watumie likizo ya Krismasi gerezani," Lukwago aliambia AFP.
Mara baada ya daktari wa kibinafsi anayeaminika wa Rais Yoweri Museveni, Besigye amekuwa akilengwa mara kwa mara na mamlaka tangu kutofautiana na rais mwishoni mwa miaka ya 1990 na kushindana naye bila mafanikio katika chaguzi nne.
Uganda imepambana kuzima upinzani katika miezi ya hivi karibuni.
Mnamo Julai, wanachama 36 wa Forum for Democratic Change (FDC) - chama kilichoanzishwa na Besigye miongo miwili iliyopita - walifukuzwa kutoka Kenya na kufunguliwa mashtaka nchini Uganda kwa tuhuma za ugaidi.
