Shirika la ndege la Kenya Airways lilitangaza kusitisha safari za ndege kuelekea Kinshasa kuanzia Jumanne kutokana na kuzuiliwa kwa wafanyikazi wawili na kitengo cha kijasusi cha kijeshi katika Jamhuri ya Kidemokrasia ya Congo.
"Kutokana na kuendelea kuzuiliwa kwa wafanyikazi wa KQ na Kitengo cha Ujasusi wa Kijeshi huko Kinshasa, Shirika la Ndege la Kenya (KQ) haliwezi kufadhili safari zetu bila wafanyikazi ipasavyo," shirika hilo la ndege lilisema kwenye taarifa Jumatatu.
Wafanyikazi hao, wanaohudumu katika ofisi ya uwanja wa ndege katika mji mkuu wa DRC walikamatwa Aprili 19 na Uchunguzi wa Kijeshi wa Shughuli za Kupambana na Uhaini Nchini (DEMIAP) kwa madai ya "kukosa nyaraka maalum za mizigo ya thamani", shirika hilo la ndege lilisema wiki iliyopita.
Lakini Mkurugenzi Mtendaji wa shirika hilo la ndege Allan Kilavuka alisema wiki iliyopita kuwa shehena husika, ambayo haijabainishwa, "haijainuliwa au kukubaliwa na KQ kutokana na kutokamilika kwa nyaraka."
Wamezuiliwa bila mawasiliano
Mzigo huu, ambao kilichomo ndani hakijabainishwa, "ilikuwa bado kwenye sehemu ya mizigo ikisafishwa na forodha wakati timu ya usalama ilipofika na kudai kuwa KQ ilikuwa ikisafirisha bidhaa bila kibali cha forodha."
"Juhudi zote za kuwaeleza maafisa wa kijeshi kwamba KQ haikukubali shehena hiyo kwa sababu ya kutokamilika kwa nyaraka ziliambulia patupu."
Kwa mujibu wa shirika la ndege la Kenya Airways, mahakama ya kijeshi nchini DRC iliahidi kuachiliwa kwao wiki jana, lakini bado walikuwa wanazuiliwa.
Shirika hilo la ndege lilisema kuwa wafanyikazi wake walizuiliwa "bila kujulikana" katika kituo cha kijeshi hadi Aprili 23, wakati maafisa wa ubalozi na timu ya KQ waliruhusiwa kuwatembelea.
'Kuwekwa kizuizini kinyume cha sheria'
Serikali ya DRC haijazungumzia madai hayo na simu kwa DEMIAP hazijapokelewa.
Katika taarifa yake siku ya Jumatatu, shirika la ndege la Kenya Airways lilisema "kuzuiliwa kinyume cha sheria" "kumefanya iwe vigumu kwetu kusimamia shughuli zetu mjini Kinshasa, ambazo ni pamoja na huduma kwa wateja, uchukuzi wa ardhini, shughuli za mizigo, na kwa ujumla kuhakikisha utendakazi salama, usalama na ufanisi."
"Tunaomba mwelekeo wa mahakama ya Kijeshi kwamba waachiliwe ili kuruhusu utaratibu unaofaa kuheshimiwa ili wafanyakazi wetu wasio na hatia waweze kurejea kwa familia zao na maisha ya kila siku bila kusumbuliwa."
Tukio hilo lilizua hasira nchini Kenya, huku mkuu wa kamati yenye nguvu ya bunge akiitaja kuwa ni ukiukaji wa kanuni za kidiplomasia.
'Ukiukaji mkubwa'
"Huu ni ukiukaji mkubwa wa haki za Wakenya hao wawili na ukiukaji wa kutisha wa kanuni za kidiplomasia ambazo... uhusiano kati ya Kenya na DRC umeanzishwa," Nelson Koech, mwenyekiti wa kamati ya bunge inayoshughulikia ulinzi, kijasusi na uhusiano wa kigeni, alisema siku ya Ijumaa.
KQ ilianzishwa mwaka wa 1977 kufuatia kufa kwa shirika la ndege la East African Airways na sasa inasafiri hadi maeneo 45, 37 kati yao yakiwa barani Afrika.
