Wizara ya Nishati na Maliasili ya Uturuki imekanusha madai "isiyo na msingi" ya usafirishaji wa mafuta kutoka kituo chake cha nishati cha Ceyhan kusini mashariki hadi Israeli.
Wizara ilisema katika taarifa Jumapili kwamba "hakuna shughili za usafirishaji na Israeli ambazo zimefanyika.
"Shirika la BOTAS International linasimamia utendakazi wa Bomba la Baku-Tbilisi-Ceyhan (BTC) mjini Uturuki chini ya makubaliano ya kimataifa na Azabajani na Georgia. Kampuni hiyo "haina mamlaka au kuhusika katika ununuzi au uuzaji wa mafuta," wizara ilisisitiza.
"Kampuni zinazosafirisha mafuta kupitia bomba la BTC kwa ajili ya kuuza nje kwa masoko ya kimataifa kutoka Kituo cha Haydar Aliyev zimeheshimu uamuzi wa hivi majuzi wa Uturuki wa kutojihusisha na biashara na Israeli," wizara hiyo ilibainisha.
Hakuna nafasi ya mianya
Mwezi Mei, Ankara ilisitisha biashara ya aina yoyote na Israeli, ambayo ilifikia dola bilioni 9.5 kila mwaka, kwa sababu ya vita vya Israel dhidi ya Gaza.
Serikali ya Uturuki imechukua hatua za kuzuia makampuni kutumia vibaya mipango ya kibiashara kwa ajili ya Palestina.
Makampuni yanaweza kuonyesha maeneo ya Palestina kama mahali pa mwisho kwa bidhaa lakini badala yake yaelekezwe kwa Israeli. Ili kukomesha tabia hii, Ankara imetekeleza mchakato wa uthibitishaji wa hatua tatu.
Wizara ya Uchumi ya Palestina lazima kwanza ionyeshe bili zinazowasilishwa na wafanyabiashara wanaotaka kuingiza bidhaa za Uturuki.
Wizara baadaye hutuma bili iliyoidhinishwa kwa Wizara ya Biashara ya Uturuki. Muamala huo kisha kuthibitishwa na vyama vya wauzaji bidhaa nje nchini Uturuki.
