Uturuki imeonyesha usaidizi wake kwa Palestina, ambayo imekuwa ikikabiliwa na ukandamizaji wa Israel, kwa kutuma watu wake, yani - msaada wa kibinadamuu - amesema rais wa taifa hilo.
"Uturuki imeonyesha kwamba tunasimama pamoja na watu wa Palestina katika nyakati hizi ngumu kupitia msaada ambao tumetuma katika eneo hilo, ukizidi jumla ya tani 45,000," alisema Rais Recep Tayyip Erdogan katika ujumbe wa video Jumanne.
"Tutaendelea na msaada wetu kwa ndugu na dada zetu wa Kipalestina hadi umwagikaji damu Gaza uishe na waishi katika Palestina huru, ikiwa na Jerusalem Mashariki kama mji mkuu wake, kwa msingi wa mipaka ya mwaka 1967," aliongeza.
Rais pia alilaani Israel kwa uchokozi wake dhidi ya Gaza iliyoathiriwa na vita, ambayo imekuwa chini ya vizuizi haramu vya Israel kwa miaka 17 sasa na miezi ya mashambulizi ya kikatili ya Israel, yaliyoua makumi ya maelfu ya watu, wengi wao wanawake na watoto.
"Tangu Oktoba 7, Gaza imekuwa kidonda kinachovuja damu sio tu moyoni mwetu, bali pia katika dhamira ya ubinadamu wote. Tumekabiliwa na mandhari ya ukatili ambapo hospitali, shule, makanisa na misikiti, ambayo haipaswi kulengwa hata vitani, yalibomolewa kwa makusudi," alisema.
Akizungumzia jinsi Wapalestina 33,000 wameuawa hadi sasa na Israel huku zaidi ya 75,000 wakijeruhiwa katika mashambulizi ya Israel, Erdogan pia alimuomba Mungu awarehemu wale waliofariki na kupona haraka kwa waliojeruhiwa.
Israel inashutumiwa kwa mauaji ya kimbari katika Mahakama ya Kimataifa ya Haki (ICJ), ambayo mwezi Januari ilitoa uamuzi wa awali ikiamuru Tel Aviv kusitisha vitendo vya mauaji ya kimbari na kuchukua hatua kuhakikisha kwamba msaada wa kibinadamu unatolewa kwa raia huko Gaza.
