Ligi ya Soka ya Afrika inayoshirikisha timu nane, ilianza jijini Dar-es-Salaam, Tanzania kwa wenyeji Simba kutoka sare ya 2-2 na timu yenye mafanikio zaidi barani Afrika, Al Ahly ya Misri Ijumaa.
Timu hizo mbili zilikuwa zikicheza mechi ya kwanza ya robo fainali na zitakutana tena mjini Cairo siku ya Jumanne katika mechi ya marudiano.
Mashindano ya Ligi ya Soka ya Afrika ''yatabadilisha hali ya soka ya Afrika na dunia,'' rais wa FIFA Gianni Infantino alisema wakati wa ufunguzi wa michuano hiyo.
Mashindano hayo ya timu nane yanafanana kidogo na dhana ya awali ambayo alipendekeza kwa nchi wanachama wa Shirikisho la Soka la Afrika kwenye kongamano lao la 2020.
Kitita cha Dola milioni nne
Infantino, ambaye alihudhuria mechi ya Ijumaa katika mji mkuu wa Tanzania akiongoza ujumbe wa FIFA wa uzani mzito, alisema kwamba mashindano ya timu 24 yatakuwa na zawadi ya dola milioni 200 na kuweka talanta bora barani Afrika na uwezekano wa kugeuza bara hilo kuwa kiongozi katika mchezo wa dunia.
Lakini takriban miaka minne baada ya kutoa wazo hilo kwa mara ya kwanza, ligi hiyo ilianza kwa mtoano, ambayo itakamilika kwa siku 17 na huku kila timu ikiwa na uhakika wa dola milioni moja kwa kushiriki huku dola milioni 4 zikienda kwa mshindi, sawa na zawadi ya Ligi ya Mabingwa Afrika.
Afrika iliendelea na dhana ya ligi kuu ya bara baada ya mipango kama hiyo barani Ulaya kusindikana wakati vilabu vilipojiondoa kutokana na upinzani mkubwa.
Utangulizi wa makubwa zaidi
Ni mfadhili mmoja tu ambaye ametiwa saini kwa Ligi ya Soka ya Afrika, na mkataba na 'Visit Saudi,' mamlaka ya utalii ya Saudi Arabia, ulitangazwa wiki iliyopita.
Alipoulizwa pesa za mashindano hayo mapya zilitoka wapi, rais wa CAF Patrice Motsepe aliwaambia waandishi wa habari kwenye mkutano na waandishi wa habari kabla ya mechi hiyo: “Tunaomba sana ije kutoka mbinguni.”
Hapo awali CAF ilisema muundo wa timu nane ni utangulizi wa mashindano makubwa zaidi mwaka ujao.
Mechi za Wikendi
Vilabu vingine sita katika mashindano ya mwaka huu vitacheza mechi zao za kwanza wikendi hii na washindi wa jumla watatinga nusu fainali.
Jumamosi, Oktoba 21, mabingwa mara 16 wa Angola, Atlético Petróleos de Luanda watakuwa wenyeji wa Mamelodi Sundowns ya Afrika Kusini, washindi wa mataji sita ya mwisho ya ligi ya ndani ya Afrika Kusini mfululizo, katika Estadio 11 de Novembro ya Luanda.
Jumapili, mabingwa wa Jamhuri ya Kidemokrasia ya Kongo TP Mazembe watakuwa wenyeji wa wababe wa Tunisia Esperance Tunisienne, pia katika Uwanja wa Benjamin Mkapa jijini Dar es Salaam, saa 18:00 kwa saa za Afrika Mashariki.
Katika mechi ya mwisho ya wikendi ya ufunguzi wa mashindano hayo, klabu ya Enyimba FC ya Nigeria itawakaribisha mabingwa wa Morocco Wydad Athletic Club kwenye Uwanja wa Goodwill Akpabo wa Uyo Jumapili katika mechi itakayoanza Jumapili, Oktoba 22, saa 18:00 GMT.
