Umoja wa Mataifa ulitoa habari mbaya kuhusu usalama wa chakula duniani Jumatano: watu bilioni 2.4 hawakupata chakula mara kwa mara mwaka jana, kiasi cha milioni 783 walikabiliwa na njaa, na watoto milioni 148 walikumbwa na ukuaji duni.
Mashirika matano ya Umoja wa Mataifa yalisema katika ripoti ya Hali ya Usalama wa Chakula na Lishe ya 2023 kwamba wakati idadi ya njaa duniani ilikwama kati ya 2021 na 2022 maeneo mengi yanakabiliwa na migogoro ya chakula inayoongezeka.
Waliashiria Asia Magharibi, visiwa vya Caribbean na Afrika, ambapo 20% ya wakazi wa bara hilo wanakabiliwa na njaa, zaidi ya mara mbili ya wastani wa kimataifa.
"Ahueni kutokana na janga la kimataifa imekuwa ya kutofautiana, na vita vya Ukraine vimeathiri upatikanaji wa chakula na lishe bora," Qu Dongyu, mkurugenzi mkuu wa Shirika la Chakula na Kilimo alisema katika taarifa.
"Hii ndiyo `kawaida mpya' ambapo mabadiliko ya hali ya hewa, migogoro, na kuyumba kwa uchumi kunawasukuma wale walio pembezoni mbali zaidi.''
Mchumi mkuu wa FAO Maximo Torero alisema hifadhi ya chakula ya FAO imekuwa ikipungua kwa takriban miezi 15, lakini "mfumko wa bei wa chakula umeongezeka."
Mlo usio na afya
Lakini alisema, hali ya wasiwasi iwapo mpango wa kuwezesha Ukraine kusafirisha tani 32 za nafaka kwenye masoko ya dunia kupitia bahari nyeusi kutoka nchini Urusi utaongezewa muda utakapoisha Julai 17 “sio mzuri kwa soko.”
''Iwapo hautaongezwa, bila shaka kutakuwa na ongezeko kubwa la bei za vyakula, lakini ni kiasi gani na kwa muda gani itategemea jinsi masoko yanavyoitikia,'' alisema.
Kulingana na ripoti hiyo, ufikiaji wa watu kwa lishe bora umezorota kote ulimwenguni. Zaidi ya watu bilioni 3.1 - 42% ya idadi ya watu ulimwenguni - hawakuweza kumudu lishe bora mnamo 2021, ongezeko la watu milioni 134 ikilinganishwa na 2019, ilisema.
Torero aliuambia mkutano wa wanahabari akizindua ripoti hiyo kwamba kupunguza idadi ya watu wanaokula vyakula visivyo na afya "ni changamoto kubwa, kwa sababu kimsingi inatuambia kwamba tunayo mabadiliko makubwa ya jinsi tunavyotumia rasilimali zetu katika sekta ya kilimo, katika kilimo- mfumo wa chakula.”
Kulingana na utafiti wa hivi karibuni, alisema, kati ya watu milioni 691 na milioni 783 walikuwa na lishe duni mnamo 2022, wastani wa milioni 735 ambao ni watu milioni 122 zaidi kuliko mwaka 2019 kabla ya janga la COVID-19 kuanza.
