Tukio hili muhimu lilihudhuriwa na raia wa Kenya na wageni waheshimiwa wa kimataifa, walioungana katika msaada wao usioyumba kwa sababu ya Palestina.
Balozi wa Palestina nchini Kenya Hazem Shabbat aliongoza tukio hilo akiungwa mkono na Irungu Houghton, Mkurugenzi Mtendaji wa Amnesty International Kenya, alitoa hotuba za kulaani uchokozi wa Israeli na kutetea kusitishwa kwa uvamizi huko Palestina.
Kama ishara yenye nguvu ya huruma, watu walioshiriki waliwasha mishumaa kama onyesho la mshikamano na Wapalestina ambao wamepoteza maisha yao kwa kusikitisha kwa sababu ya mabomu yasiyo na huruma ya maeneo ya raia huko Gaza.
Wiki iliyopita, waandamanaji watatu waliokuwa wanaunga mkono Palestina walikamatwa katika mji mkuu wa Nairobi, kufuatia mkutano wa amani ulioandaliwa na kamati ya mshikamano ya Palestina ya Kenya kufuatia mzozo wa Israel na Hamas.
Mamia ya wafuasi wa Palestina nchini Kenya, walishiriki mkutano huo, uliotibuka ghafla baada ya malori ya maafisa wa polisi wa kitengo cha GSU kilipofika ili kutawanya umati.
Watu waliokuwa karibu, wanasema kwamba takriban wafuasi 100 walikusanyika kuunga kuunga mkono Palestina katika mzozo unaoendelea, wakipepea bendera na ishara ambazo zilionyesha mshikamano wao.
Aidha, mkusanyiko huo ulikuwa na nia ya kutetea hali mbaya ya kibinadam ya watu wa Palestina, kufuatia kiapo cha Israeli cha kuongeza mabomu kulenga Gaza pamoja na mashambulio ya ardhi yaliyotarajiwa.
