Agosti 12, 2012 imetengwa kama siku ya kwanza ya tembo duniani na ilizinduliwa ili kuleta umakini kwa hali ya dharura ya tembo wa Asia na Afrika.
Ofisi ya Umoja wa Mataifa inasema kuwa kwa jumla takwimu zaonyesha kupungua kwa jumla kwa ujangili, kunasa pembe za ndovu, na bei ya pembe za ndovu, jambo ambalo linapendekeza kushuka kwa soko.
Hii ni kwa sababu nchi nyingi barani Afrika zimeweka sheria na mikakati mikali ya kuwanasa wale wanaosaka ndovu kwa ajili ya biashara.
Lakini Je, ni nini tofauti kati ya ndovu na wanyama wengine ?
Shirika la The World Wide Fund for Nature, ambalo ni shirika la kimataifa la kutetea wanyama , linaashiria mambo kadhaa ambayo inafanya wanyama hawa kuwa tofauti na wengine.
Tembo wa Kiafrika wa Savanna (Bush) ndiye mnyama mkubwa zaidi wa nchi kavu duniani - akiwa na madume wazima, au tembo dume, wanaosimama hadi urefu wa mita 3 na uzito wa hadi kilo 6,000.
Kuna aina tatu za tembo: African Savanna (Bush), African Forest na Asia. Masikio ya tembo wa Kiafrika ni makubwa zaidi kuliko wale wengine na yanaelezwa kuwa na umbo la bara la Afrika.
Tembo wana vitengo karibu 150,000 vya misuli kwenye shina lao. Tembo hutumia mikonga yao kunyonya maji ya kunywa - na inaweza kubeba hadi lita 8 za maji.
Ngozi ya tembo ina unene wa 2.5cm. Mikunjo kwenye ngozi yao yanaweza kuhifadhi hadi mara 10 zaidi ya maji kuliko ngozi tambarare, ambayo husaidia kuwapoza. Wanajiweka wasafi na kujikinga dhidi ya kuchomwa na jua kwa kuoga kwenye vumbi na matope mara kwa mara.
