Takriban watu 79,000 wameyakimbia makazi yao kusini mwa Ethiopia baada ya mvua kubwa kunyesha na kusababisha kufurika kwa Mto Omo katika wilaya 34, vyombo vya habari vya ndani viliripoti Jumanne.
Ato Tadele Hate, chifu wa eneo hilo, aliiambia Sheger Radio kwamba mvua ilionyesha katika siku mfululizo ilisababisha uharibifu katika mashamba ya kilimo na mifugo, akitoa wito kwa serikali ya shirikisho na mashirika ya kibinadamu kutoa msaada wa haraka.
"Uharibifu huu unakuwa suala la mara kwa mara," Hate alilalamika.
"Mvua kubwa iliyonyesha mwaka jana ilisababisha matatizo kama hayo, na sasa mafuriko ya sasa yamekumba maeneo ambayo watu walikuwa tayari wamehamishwa kutokana na mafuriko ya mwaka jana."
Pia alisisitiza haja ya hatua za haraka za kuelekezwa Mto Omo na kuzuia mafuriko katika siku zijazo.
Hatari ya siku za mvua
Hate alionyesha wasiwasi wake kwa jiji la Omorate, ambalo liko kwenye ukingo wa Mto Omo na linakabiliwa na hatari kubwa ya kuathiriwa pakubwa na mafuriko.
"Isipokuwa hatua za haraka hazitachukuliwa, tunahofia kuwa Omorate, makazi ya maelfu, huenda ikaangamizwa kabisa na mafuriko," alionya.
Kusini mwa Ethiopia inakabiliwa na hatar zaidi ya mafuriko na maporomoko ya ardhi ya mara kwa mara.
Tilahun Bishaw, mkuu wa Chama cha Msalaba Mwekundu cha Ethiopia, ameashiria ya kuwa mvua inatarajiwa kuendelea na hali itakuwa mbaya zaidi ikiwa hatua za haraka hazitachukuliwa.
