Na Brian Okoth
Rais wa Gabon aliyeondolewa madarakani Ali Bongo Ondimba ametangaza kustaafu kutoka mambo ya siasa.
Katika barua iliyotumwa kwa watu wa Gabon, Bongo alitoa wito wa kuachiliwa kwa wanafamilia wake, ambao anawataja kama dhamana kufuatia mapinduzi ya kijeshi jeshi mnamo Agosti 2023.
Katika barua hiyo, rais aliyeachishwa madaraka alisema: "Jioni ya Agosti 29, 2023 nilimaliza muda wangu wa kuwa kiongozi wa nchi katika mazingira magumu. Matukio haya yalileta uongozi wa mfumo wa mpito, ambao katika miezi ijayo utakabiliana na uchaguzi katika sanduku la kura ili kuiweka nchi yetu kwenye njia mpya."
Bongo zaidi alisema alikuwa na kile kinachohitajika "kubadilisha" Gabon, lakini "mfumo hatimaye ukageuka dhidi ya" familia yake."
"Viongozi wapya wa kisiasa"
Rais huyo wa zamani aliongeza kuwa wanafamilia wake hawana hatia, wananyanyaswa na serikali ya kijeshi.
"Nchi yetu ni shahidi, mtazamaji, anayetarajia mabadiliko ya kisheria. Kwa upande wangu, naheshimu na kuelewa matakwa ya wananchi ya kutaka viongozi wapya wa kisiasa kujenga mustakabali na ninataka kusisitiza kujiondoa katika maisha ya kisiasa na kutokuwa na malengo yoyote ya kisiasa ya kitaifa."
Bongo aliongeza: "Hii inamhusu pia (Mke wa Rais wa zamani wa Gabon) Sylvia (Bongo Ondimba), na (mtoto wa kiume) Noureddin (Bongo Valentin)."
Katika maombi yake ya dhati, kiongozi huyo wa zamani wa nchi alisema: "Kwa sababu nchi yetu imekuwa, na itaendelea kuwa nchi ya heshima, naomba msamaha, kukomesha ghasia na mateso dhidi ya familia yangu, haswa mke wangu. Sylvia na mwanangu Noureddin na kwa ajili ya kuachiliwa kwao, kwa sababu wamefungwa kwa muda mrefu sasa kwa matendo ambayo hawajapatikana na hatia, na hawahusiki kabisa."
'Utawala wa kijeshi'
Bongo alisema zaidi: "Nimewasababishia mitihani mengi katika maisha yao yote. Lakini kifungo chao na unyanyasaji waliopata kwa zaidi ya mwaka mmoja ni zaidi ya chochote ambacho mke na mwanawe wanaweza kuvumilia."
Bongo pia alisema katika barua hiyo kuwa amewekewa vikwazo na amekuwa akifuatiliwa kila siku.
"Ziara zangu zinategemea idhini ya jeshi. Kutengwa na ulimwengu wa nje bila mawasiliano, bila habari za familia yangu."
Kiongozi huyo wa zamani wa Gabon alisema iwapo yeye na familia yake wataachiliwa huru, hatakuwa na "hatari ya tishio, matatizo na kuvuruga (wa Gabon) wakati huu wa ujenzi upya."
'Hiki ni kisasi na sio kitendo cha haki'
Kulingana na Bongo, madai ya kutendewa vibaya kwa familia ni zaidi ya kuwa na sio kitendo cha haki.
Alisisitiza zaidi kwamba maamuzi yoyote ambayo watawala wa kijeshi watachukua, wanapaswa kumshikilia kama rais wa zamani, na sio wanafamilia wake.
"Ninafahamu kikamilifu kile ambacho kimekamilika chini ya urais wangu, pamoja na mapungufu ambayo mimi peke yangu huchukua jukumu, katika ngazi ya kijamii na katika utendaji wa taasisi zetu," alisema Bongo.
“Kwa hiyo, natoa wito kwa nchi yangu, viongozi wake na wananchi wenzangu kuachana na kisasi na kuandika historia yake ijayo kwa maelewano na ubinadamu,” alisema Bongo.
Baba na mwana utawala wa miongo mitano
Rais aliyeondolewa madarakani alikuwa ametawala Gabon kwa karibu miaka 14 - kutoka 2009 hadi 2023, wakati baba yake, Omar Bongo, alikuwa ametawala Gabon kwa karibu miaka 42 - kutoka 1967 hadi 2009.
Ali Bongo aliondolewa madarakani kupitia mapinduzi ya kijeshi mwishoni mwa Agosti 2023 baada ya kutangazwa kwa utata kuwa mshindi wa uchaguzi wa rais wa mwezi huo.
Binamu yake wa mbali, Jenerali Brice Oligui Nguema, alitawazwa kama rais wa mpito wa Gabon.
Baada ya kutwaa mamlaka, serikali ya mpito ya Gabon iliahidi kufanya uchaguzi huru mnamo Agosti 2025.
