Mmoja kati ya wafanyakazi wawili wa Kenya Airways waliokamatwa nwa kushikiliwa Jamhuri ya Kidemokrasia ya Congo mwezi uliopita ameachiliwa, Afisa Mkuu wa Kenya alisema Jumatatu.
Kukamatwa kwa wafanyakazi hao wawili hulilazimu Kenya Airways (KQ) kutangaza kwamba ilikuwa inasitisha safari za ndege kwenda mji mkuu wa Congo, Kinshasa, tarehe 29 Aprili.
"Nina shukrani kubwa kutangaza kwamba Lydia Mbotela, Meneja wa KQ nchini DRC, ameachiliwa hivi punde na mamlaka huko Kinshasa," Korir Sing'oei, Katibu Mkuu wa Wizara ya Mambo ya Nje ya Kenya, alisema kwenye X.
Hakutoa taarifa kuhusu hatima ya mtu wa pili aliyekamatwa.
'Walishikiliwa bila mawasiliano'
Wafanyakazi hao wawili, wanaofanya kazi katika ofisi ya shirika la ndege huko Kinshasa, walikamatwa tarehe 19 Aprili na kikosi cha upelelezi wa kijeshi, kulingana na maelezo ya KQ.
Ilisemekana kuwa walishikiliwa kwa sababu ya "kukosa nyaraka za forodha kuhusu mizigo ya thamani," ikiielezea kuwa ni "kushikiliwa kinyume cha sheria."
Shirika la ndege limesema wafanyakazi wake walishikiliwa bila mawasiliano katika kituo cha kijeshi hadi tarehe 23 Aprili, wakati maafisa wa ubalozi na timu ya KQ waliruhusiwa kuwatembelea.
