Chama cha Wanasheria nchini Kenya (LSK) kinasema kuwa kina taarifa za baadhi ya wananchi kutekwa nyara.
" Wakenya wenzangu, kwa mara nyingine tena tunaamka kwenye siku ya huzuni!" amesema Faith Odhiambo, Rais wa Chama cha Wanasheria nchini Kenya.
" Mauaji ya nje ya Mahakama, matukio ya kutekwa nyara na polisi, kuteswa na kuwekwa kwenye mawasiliano kwa siku kadhaa, yamerudi tena kama zamani! Taarifa ambazo tumezipata zinaeleza kuwa hadi sasa takribani vijana 50 wa Kenya wametekwa nyara," Adhiambo amesema katika chapisho kwenye ukurasa wake wa X.
Anasema kati ya waliotekwa nyara ni msaidizi wake binafsi Ernest Nyerere ambaye alitoweka kutoka nyumbani kwake, mapema Jumanne.
Wanaodaiwa kukamatwa kwa nguvu ni wale wanaodaiwa kupinga muswada tata wa fedha wa mwaka 2024.
Maandamano yanaendelea kwa wiki ya pili sasa ikiwa yanaongozwa ni vijana, wakishurutisha kutupilia mbali kwa muswada huo, wakisisitiza kwamba utaongeza gharama za maisha nchini humo.
Kulingana na Rais wa LSK, baadhi ya watu waliotekwa nyara ni pamoja na Osama Otero, Gabriel Oguda, John Frank Githiaka-Franje, Drey Mwangi, Worldsmith, Hilla254 na wengine wengi.
Mtetezi mmoja kwa jina Shadrack Kiprono maarufu Shad Khalif ametangaza kuwa ameachiwa.
" Rex Kanyike Masai alikuwa akiandamana kwa amani Alhamisi iliyopita, Juni 20 wakati mtu aliyefurahi kumpiga risasi na kumuua ndani ya CBD na siku hiyo hiyo, Evans Kiratu alidaiwa kupigwa na bomu la machozi pajani mwake wakati wa maandamano," Adhiambo ameongeza.
" Kiratu alipoteza maisha katika Hospitali ya Taifa ya Kenyatta kutokana na majeraha ya risasi. Vifo vya Rex Kanyike na Evans Kiratu vilitokea siku chache baada ya Inspekta wa Polisi wa eneo la Londiani kumpiga risasi na kumuua Monica Kivuti ndani ya Mahakama ya Makadara mjini Nairobi, nchini Kenya."
" Kama Willie Kimani, orodha ya Wakenya waliouawa na wasimamizi wa sheria inaendelea kukua na hatuwezi kuendelea kunyamaza. Hapana, haiwezi kuwa mtindo. Kwa sababu leo ni Rex na kesho wanaweza kuja kwa ajili yangu na siku inayofuata, wewe ambaye unatazama au kusikiliza," mwenyekiti wa chama cha wanasheria amesema.
Hata hivyo Serikali ya Kenya haijakubaliana na madai hayo.
Faith
