Hali tawala iliyoanzishwa na vita vya kwanza na vya pili vya dunia imepitwa na wakati, na enzi mpya inahitajika. Hivyo basi, Uturuki inalenga kuwa miongoni mwa viongozi wa enzi hii, Rais Recep Tayyip Erdogan alisema Ijumaa.
Uturuki inaweza kujizolea tija ulimwenguni kwa kufaidika na kila jambo jipya kwa kiwango cha ulimwengu, Erdogan alisema akihutubia hafla ya ufunguzi wa Kongamano la 10 la baraza la biashara la uturuki (DTIK), uliofanyika Istanbul Ijumaa na kuendelea hadi jumamosi.
Akigusia diaspora ya Uturuki, alisema kuwa idadi ya raia wa Kituruki wanaoishi, kufanya kazi, na kusoma katika nchi zingine imefika hadi milioni 8.
Mataifa ya Kituruki na wanachama na waangalizi wa Shirika la Mataifa Ya Kituruki, Caucasus, Balkan na ulimwengu wa Kiislamu inapaswa pia kuongezwa kwenye takwimu hii, alisema.
Aliongeza kuwa Uturuki inafanya juhudi za kuboresha uhusiano wa kiuchumi, kijamii na kisiasa kupitia taasisi kama vile DTIK Baraza la Biashara la Uturuki duniani.
Pia aliongeza kuwa Uturuki haijaandaa nguvu za kutosha za diaspora yake hasa katika nchi za Kimagharibi, huku akiongeza kuwa diaspora dhaifu zimekuwa na nguvu zaidi kwa upande wa sera.
Uturuki kuendelea na maendeleo
Waziri wa Biashara wa Uturuki, Omer Bolat, alisema kuwa licha ya matetemeko makubwa ya ardhi mwaka huu, Uturuki inaendelea kudumisha na inazidi kukua.
Wakati biashara ya dunia inapitia kipindi cha kushuka, Bolat alisema Uturuki inakusudia kufikia 255 bilioni katika bidhaa na billion 110 bilioni katika mauzo ya huduma mwishoni mwa mwaka huu.
Ameongeza kuwa Uturuki imekuwa kitovu cha biashara, uwekezaji, na utalii.
Uturuki inaendelea kubadilisha bidhaa zake za biashara na maeneo kwa kuingia makubaliano mengi zaidi ya biashara, aliongeza.
Siku ya Alhamisi, Uturuki ilisaini mkataba wa makubaliano ya kukodisha biashara na kuongeza uwekezaji na Shirika la mataifa ya Kituruki, alisema.
Nail Olpak, mwenyekiti wa Bodi ya Uhusiano wa kiuchumi ya Uturuki (DEIK), alisema DTIK ina misheni kuu mbili: kusaidia watu wa Uturuki wanaoishi nje ya nchi kiuchumi na kisiasa na pia kuwawezesha wao na Uturuki, na kufaidika na wawakilishi wa diaspora kukuza Uturuki ulimwenguni kote.
Ameongeza kuwa baraza la DEIK lenye kurugenzi kuu sita za mkoa na ofisi ndogo za usimamizi, litakuwa na uchaguzi siku ya Jumamosi jijini Istanbul huku washirika kutoka zaidi ya nchi 130 wakiwachagua wakurugenzi na mameneja.
Kama sehemu ya hafla hiyo, Kubanychbek Omuraliev, katibu mkuu wa Shirika la Mataifa ya Kituruki, na Olpak, ambaye pia ni mwenyekiti wa DTIK, alisaini mkataba wa ushirikiano.
