Baykar imekuwa kati ya wauzaji 10 bora wa Uturuki, ikiwa ni mara ya kwanza katika historia ya nchi hiyo kampuni ya ulinzi na anga kufikia hadhi hii, Mkurugenzi Mtendaji wa kampuni hiyo, Haluk Bayraktar ameeleza.
"Baykar imeongoza sekta ya anga kwa vipindi vitatu, na sasa ni kati ya wauzaji kumi bora nchini Uturuki," alisema Bayraktar na kuongeza:
"Tumewezesha miradi yetu yote kwa vyanzo vyetu wenyewe."
Tangazo hilo lilitolewa wakati wa kutoa tuzo za ushindi, shughuli iliyoandaliwa na Jumuiya ya Wauzaji iliyofanyika katika ukumbi wa Halic mjini Istanbul.
Rasi wa Uturuki Recep Tayyip Erdogan alihudhuria tukio hilo na kutoa tuzo kwa kampuni ya Bayraktar.
Kampuni hiyo ilifanya vizuri katika uzalishaji wa ndege zisizo na rubani .
Kuanza na ndege ndogo
Akiangazia safari ya Baykar, Bayraktar alibainisha kuwa kampuni ilianza na ndege ndogo kwenye miaka ya 2000, ikiwekeza katika utafiti na maendeleo kwa miaka saba bila kuzalisha mapato.
"Tuliamini kuwa ndege hizo zingeleta mapinduzi na kuwa teknolojia ijayo. Imani hiyo ilitufanya tufanye kazi bila kuchoka ," alisema.
Juhudi za Baykar zimezaa matunda, na kukua kutoka mwanzo wa kawaida hadi wafanyakazi 4,500.
"Tulipanda ngazi hatua kwa hatua, kutafiti, kuendeleza na kuzalisha teknolojia za kitaifa na asilia. Ndege zetu zimebadilisha ulimwengu," Bayraktar aliongeza.
Mikataba na nchi 34
Bayraktar alisisitiza kuwa miradi yao yote ilikuwa ya kujifadhili.
"Kazi yetu ya awali ilianza kwa kuchimba visima tu. Leo, tumekuwa familia kubwa, tukiongoza kwa mauzo ya nje na Bayraktar TB2 UAV yetu. Sasa tunafanya makubaliano ya usafirishaji wa Bayraktar Akıncı pia, baada ya kusaini mikataba na nchi 34 hadi sasa ," alisema.
Miradi ilipoendelea, ikawa moja ya kampuni 100 za juu za ulinzi na anga ulimwenguni.
