Shirika moja la ndege linapanga kujua ikiwa abiria wanaotafuta upweke watalipa ada ya ziada ili kuepuka kukaa karibu na watoto wachanga na watoto wadogo.
Safari za ndege kutoka Amsterdam hadi Curacao huchukua saa 10.
Shirika hilo la ndege la Corendon la Uturuki linasema kuwa abiria wanaosafiri bila watoto watasafiri kwa mazingira tulivu, nao wazazi hawatakuwa na wasiwasi kuwa watoto wao wanaolia au kutapatapa watawaudhi abiria wenzao.
Corendon imeongeza kwamba itatenga viti 93 vya kawaida na viti tisa vya ziada katika eneo la watu wazima sehemu ya mbele ya ndege zake za Airbus A350, ambazo zina viti 432 kwa jumla. Ukuta au pazia itatenganisha sehemu kutoka kwa raia wa kulia nyuma zaidi.
Shirika hilo la ndege lilisema kwenye tovuti yake kwamba litawatoza abiria ada ya ziada ya kujitengea kiti ya euro 45 ($49) kwa eneo lisilo na watoto, na kuongezeka hadi euro 100 ($109) kwa moja ya viti vya ziada.
"Kwa shirika kubwa la ndege la burudani kama Corendon, ambalo huenda limejaa familia zilizo na watoto wadogo, ninaweza kuona mapendekezo kutoka kwa abirtia wasiokuwa na watoto kulipa pesa ya ziada ili kuwa mbali nao na kusafiri kwa amani na utulivu zaidi," Brett Snyder, ambaye anaendesha shirika la usafiri na anaandika blogu ya Cranky Flier, alisema.
Aidha ameongeza, ya kuwa watu walio nyuma ya eneo la watu wazima bado wanaweza kusikia wakilia.
"Kwa hivyo ni kama siku za zamani wakati ulikuwa kwenye safu ya mwisho ya sehemu isiyo ya kuvuta sigara lakini bado unaweza kuhisi moshi huo." Brett alisema.
Scott Keyes, mwanzilishi wa tovuti ya kusaka ndege Going, alisema ada ya ziada ya Corendon ni ya chini mno kiasi cha kuwavutia wanunuzi wengi, na shirika la ndege litanufaika kwa njia nyingine.
Hata hivyo Corendon sio shirika la kwanza la ndege kujaribu sehemu isiyo na watoto wadogo.
Shirika la ndege la Scoot la bei nafuu lililoko nchini Singapore, linauza sehemu ambayo abiria lazima awe angalau 12.
Mnamo mwaka wa 2012, Shirika la Ndege la Malaysia lilitangaza kuwa halitamruhusu mtu yeyote chini ya miaka 12 katika sehemu ya uchumi ya viti 70 kwenye sitaha ya juu ya ndege zake za Airbus A380.
Hata hivyo, baadaye Shirika hilo la ndege lilivuta uamuzi huo likisema kwamba ikiwa kungekuwa na familia nyingi sana zilizo na watoto na watoto wachanga kutoshea kwenye sitaha ya chini, ingewapatia nafasi katika sehemu ya uchumi wa watu wazima iliyo sehemu ya juu.
