Uturuki imeanza mazungumzo ya upatanishi kati ya Somalia na Ethiopia kuhusu mkataba wa bandari ya Addis Ababa uliotiwa saini na eneo lililojitenga la Somaliland mapema mwaka huu, kulingana na maafisa wanne wanaofahamu suala hilo.
Mazungumzo hayo ni jaribio la hivi punde la kurekebisha uhusiano wa kidiplomasia kati ya majirani wa Afrika mashariki, ambao uhusiano wao ulidorora mwezi Januari wakati Ethiopia ilipokubali kukodisha kilomita 20 (maili 12) za ukanda wa pwani kutoka Somaliland, na kukubali kutambua uhuru wake.
Mogadishu iliyataja makubaliano hayo kuwa kinyume cha sheria na kulipiza kisasi kwa kumfukuza balozi wa Ethiopia na kutishia kuwatimua maelfu ya wanajeshi wa Ethiopia walioko nchini humo kusaidia kupambana na waasi wa Kiislamu.
