Rais wa zamani Jacob Zuma aliamriwa kuripoti gerezani na alifika kizuizini huko Estcourt, kaskazini-magharibi mwa Durban, ambako "aliingizwa kwenye rekodi" ya gerezani siku ya Ijumaa, saa kumi na mbili asubuhi kwa saa za huko.
Lakini aliachiliwa mara moja kama sehemu ya "mchakato wa msamaha" unaolenga kupunguza msongamano gerezani, kamishna wa kitaifa wa Huduma za Urekebishaji Makgothi Thobakgale aliuambia mkutano wa waandishi wa habari mjini Pretoria.
Zuma alihukumiwa mwezi Juni 2021 baada ya kukataa kutoa ushahidi mbele ya tume lililokuwa likichunguza kupotea kwa fedha za serikali kuhusisha marafiki zake kwa mipango ya seriklai kinyume na mahitaji, lakini aliachiliwa kwa ajili ya kiafya miezi miwili tu baada ya muhula wake.
Alianza kutumikia kifungo hicho mapema Julai 2021.
Kufungwa kwake jela kulisababisha maandamano ambayo yalisababisha ghasia na uporaji na vifo vya zaidi ya watu 350 katika ghasia mbaya zaidi kuwahi kuikumba nchi hiyo tangu kuja kwa demokrasia nchini Afrika Kusini.
Mwezi uliofuata, alilazwa hospitalini kwa hali isiyojulikana kabla ya kupewa msamaha wa matibabu.
Mnamo Novemba mwaka jana mahakama ya rufaa iligundua kuwa kuachiliwa kwake kulitolewa kinyume cha sheria na kuamuru mzee huyo wa umri wa miaka 81 arudi katika Kituo cha Marekebisho cha Estcourt katika jimbo la mashariki la Kwa Zulu-Natal.
Mamlaka ya magereza la Afrika Kusini, ambalo lilikuwa limekubali kuachiliwa kwa masharti kwa Zuma, lilikata rufaa dhidi ya uamuzi huo, lakini ombi hilo lilitupiliwa mbali na Mahakama ya Kikatiba mwezi uliopita.
