Takriban raia watatu wamekufa katika mapigano kati ya wanamgambo wa Sudan na jeshi la kawaida, ambalo lilisema lilifanya mashambulizi ya anga dhidi yao, na kuzua wasiwasi wa kimataifa siku chache baada ya jeshi kuonya kuwa nchi hiyo iko katika "hatari" ya mabadiliko.
Muungano wa madaktari uliripoti siku ya Jumamosi vifo hivyo vitatu raia wakiwemo katika uwanja wa ndege wa Khartoum ulio katikati mwa jiji.
Takriban wengine tisa walijeruhiwa, madaktari walisema.
Milio mikali ya risasi ilisikika kusini mwa mji mkuu wa Sudan Khartoum kuanzia jumamosi asubuhi, mashahidi wameliambia shirika la habari la Reuters, kufuatia siku kadhaa za mvutano kati ya jeshi na kundi la wanamgambo ambalo limezusha onyo la makabiliano.
Chanzo cha milio ya risasi siku ya Jumamosi hakijafahamika mara moja.
Kikosi cha (RSF) kinasema kimechukua udhibiti wa uwanja wa ndege na ikulu ya rais. Madai haya hayajathibitishwa.
Hapo awali RSF ilisema kwamba moja ya kambi zake kusini mwa Khartoum imeshambuliwa. Kwa upande wake jeshi limesema kuwa wapiganaji wa RSF wamekuwa wakijaribu kuyateka makao makuu ya jeshi.
Mgawanyiko kati ya vikosi hivyo ulikuja kudhihirika siku ya Alhamisi, wakati jeshi lilisema kwamba harakati za hivi karibuni za Kikosi cha Msaada wa Haraka (RSF), kikundi chenye nguvu cha kijeshi, zilifanyika bila uratibu na ni kinyume cha sheria.
Makabiliano kati yao yanaweza kusababisha ugomvi wa muda mrefu katika nchi kubwa ambayo tayari inashughulika na kuporomoka kwa uchumi na kuzuka kwa ghasia za kikabila.
Siku ya Ijumaa na mapema Jumamosi, wakuu wa jeshi na RSF waliwaambia wapatanishi kwamba walikuwa tayari kuchukua hatua za kukomesha hali hiyo.
Mkuu wa nchi na mkuu wa jeshi la Sudan Jenerali Abdel Fattah al Burhan awali alidokeza kuwa jeshi liko tayari kuchukua hatua yoyote kutatua mzozo unaoendelea.
"Tunawahakikishia wananchi kwamba mgogoro uko njiani kutatuliwa," walisema mapema Jumamosi.
"Uongozi wetu unauelewa zaidi kuliko kuipeleka nchi kwenye vita vya wenyewe kwa wenyewe ambapo hata mshindi atashindwa."
Mvutano kati ya jeshi na RSF uliongezeka siku ya Alhamisi baada ya RSF kuhamisha baadhi ya vikosi vyake karibu na uwanja wa ndege wa kijeshi katika mji wa kaskazini wa Merowe, uamuzi ambao jeshi lilisema ulifanyika bila ridhaa yake.
