Polisi wa Somalia na wanamaji wa kimataifa walikuwa wakijiandaa siku ya Jumatatu kushambulia meli ya kibiashara ambayo ilitekwa nyara na maharamia wiki iliyopita, jeshi la polisi la eneo la Puntland lilisema, siku mbili baada ya makomando wa India kuokoa meli nyingine ya mizigo iliyokuwa ikishikiliwa na maharamia.
Meli ya MV Abdullah ilitekwa nyara katika pwani ya Somalia wiki jana, ikiwa ni mashambulizi ya hivi punde zaidi ya zaidi ya 20 tangu Novemba na maharamia wa Somalia ambao walikuwa kimya kwa takriban muongo mmoja.
"Vikosi vya polisi vya Puntland viko tayari baada ya kupata ripoti kwamba wanamaji wa kimataifa wanapanga mashambulizi," polisi walisema katika taarifa.
Jeshi la polisi kutoka eneo linalojitawala la Puntland, kituo cha magenge mengi ya maharamia, limesema liko katika hali ya tahadhari na limejipanga kushiriki katika operesheni dhidi ya maharamia wanaomshikilia Abdullah.
Siku ya Jumapili, polisi wa Puntland walisema walikuwa wamekamata gari lililokuwa likisafirisha miraa ili kutolewa kwa maharamia waliokuwa ndani ya Abdullah.
Katika kilele cha mashambulizi yao mwaka 2011, maharamia wa Somalia waligharimu uchumi wa dunia wastani wa dola bilioni 7, ikiwa ni pamoja na mamia ya mamilioni ya dola katika malipo ya fidia.
