Katika Marekani ya Kusini , uchaguzi kwa kawaida hufanyika Jumapili, wakati huku kwasababu ya ukubwa wa India inamaanisha mchakato wake wa kupiga kura mara nyingi unaendelea kwa wiki kadhaa.
Katika Mashariki ya Kati, Jumamosi ndiyo siku iliyoteuliwa.
Nchini Marekani, hata hivyo, kila baada ya miaka minne, wapiga kura huenda kwenye uchaguzi Jumanne ya kwanza baada ya Jumatatu ya kwanza ya mwezi Novemba kumchagua rais .
Tarehe 5 mwezi huu wa Novemba, Wamarekani wamejitokeza kupiga kura kwa mara nyingine tena, wakitoa kura zao katika kinyang'anyiro kati ya Makamu wa Rais wa Kidemokrasia Kamala Harris na mpinzani wake wa chama cha Republican, Donald Trump.
Hata hivyo, licha ya utamaduni mrefu wa uchaguzi wa mapema Novemba, sababu ya muda huu mahususi haijulikani sana. Hadithi ya kwa nini Watu wa Marekani hupiga kura siku ya Jumanne inaanzia katikati ya karne ya 19, ikichangiwa na mchanganyiko wa masuala ya kiutendaji, kitamaduni na kidini ambayo yalikuwa muhimu kwa jamii wakati huo.
Zoezi hili, lililoanzishwa mnamo 1845, liliundwa ili kushughulikia jamii ya kilimo ya karne ya 19. Hizi zilikuwa zama ambazo wananchi wengi walikuwa wakulima.
Maisha yao yalihusu kazi za msimu, desturi za kidini, na masoko ya kila juma. kwa hiyo yote yanahusiana na wakulima wa Marekani.
Wakati huo, wakulima wa Marekani walitegemea magari ya kukokotwa na farasi kufikia vituo vya kupigia kura, ambayo inaweza kuhitaji kusafiri kwa siku nzima.
Kwa kuwa Jumapili zilitengwa kwa ajili ya ibada na Jumatano zilitumika kama siku za soko kwa wakulima, kuchagua siku ya wiki kati ilikuwa suluhisho la vitendo zaidi la kupiga kura.
Kufanyika kwa uchaguzi siku ya Jumanne kuliwaruhusu raia kusafiri hadi maeneo ya kupigia kura bila kuingilia ahadi zao.
Zaidi ya hayo, kuratibu uchaguzi baada ya Jumatatu ya kwanza kulihakikisha kuwa hautafanyika tarehe 1 Novemba, ambayo ni Siku ya Watakatifu Wote, desturi muhimu ya kidini kwa baadhi ya watu.
Baada ya muda, mazoezi yalizidi kuwa sawa, na Jumanne ya kwanza baada ya Jumatatu ya kwanza mnamo Novemba ikawa msingi wa kati wa uchaguzi mkuu wa rais.
Kanuni za kitamaduni
Kuamua kufanya uchaguzi baada ya Jumatatu ya kwanza haukuwa wa vitendo tu.
Pia iliathiriwa na kanuni za kitamaduni.
Wafanyabiashara wengi walifunga vitabu vyao vya hesabu, siku ya kwanza ya mwezi, na kuratibu uchaguzi baada ya siku hii kulizuia kuingilia kati kwa majukumu ya biashara au ya mwisho wa mwezi.
Novemba pia ilichaguliwa ili kuepusha vipindi vikali vya misimu ya kupanda na kuvuna katika msimu wa vuli, hivyo kurahisisha ushiriki wa wananchi wa vijijini.
Leo, maisha ya kilimo ambayo yalichangia uamuzi huu kwa kiasi kikubwa yamefifia.
Wengine wanapendekeza kuhamishwa kwa Siku ya Uchaguzi hadi wikendi au kuifanya sikukuu ya kitaifa ili kuongeza idadi ya wapiga kura, kwani WaMarekani wengi hupata ugumu wa kufika kwenye uchaguzi siku ya kazi.
Ingawa juhudi hizo hazijafaulu, uwezo wa kupiga kura wa mapema na wa barua-pepe zimefanya Siku ya Uchaguzi isiwe muhimu sana katika upigaji kura kuliko ilivyokuwa hapo awali.
Ingawa maisha ya kisasa hayahitaji tena ratiba sawa za kusafiri au siku za soko, mila ya upigaji kura Jumanne inasalia—kikumbusho cha wakati ambapo mahitaji ya kweli ya kusafiri yalichangia tabia ya kupiga kura ya taifa.
