Takriban watu 20 akiwemo mtoto mchanga walikufa wakati boti iliyokuwa imejaa watu wengi ilipozama kwenye mto magharibi mwa Jamhuri ya Kidemokrasia ya Kongo mwishoni mwa juma, mamlaka za eneo zilisema Jumanne.
Maafa hayo yalikumba mashua dogo iliyokuwa na injini usiku wa Jumamosi kwenye mto Lukenie katika eneo la Kutu mkoani Mai-Ndombe.
Boti "iliyokuwa imepakia kupita kiasi" iliyokuwa na watu wapatao 300 na bidhaa ilizama baada ya kugonga kuni ilipokuwa ikielekea mji wa Nioki, msimamizi wa wilaya ya Kutu Jacques Nzenza aliiambia AFP.
Jana tulipata maiti nne na leo zimeopolewa nyingine 16 akiwemo mtoto wa miezi tisa,” alisema na kuongeza kuwa msako unaendelea.
Safari hatari za usiku majini
Safari za mito na ziwa ni za kawaida katika nchi hiyo kubwa ya Afrika ya kati, ambako barabara zinazopitika ni chache.
"Tunawakumbusha kila mtu kuwa ni marufuku kusafiri kwa meli usiku, kwa sababu ni hatari sana," Nzenza alisema.
Takriban watu 25 walifariki mwezi Julai wakati mashua kwenye mto Kongo ilipozama katika jimbo la mashariki la Maniema.
Mnamo 2019, zaidi ya watu 100 walikufa mnamo kwenye ajali kwenye Ziwa Kivu, Mashariki mwa nchi.
