Afrika Kusini Jumatatu ilikaribisha kujiunga kwa Uturuki katika kesi ya mauaji ya kimbari dhidi ya Israeli huko Gaza katika Mahakama ya Kimataifa ya Haki (ICJ), ikisema "italeta mtazamo mpya."
Ronald Lamola, waziri wa uhusiano wa kimataifa na ushirikiano wa Afrika Kusini, alisema: "Kujiunga kwa Uturuki utaiwezesha mahakama kuu kuiona kwa mtazamo mpya."
Kujiunga kwa Uturuki katika kesi ya Afrika Kusini dhidi ya Israeli "kunaonyesha jinsi kesi hiyo ilivyo imara," Lamola aliwaambia waandishi wa habari katika mji mkuu wa Pretoria.
Nchi kadhaa
Ankara wiki iliyopita iliwasilisha azimio kwamba inajiunga na kesi ya ukiukaji wa Mkataba wa Kuzuia na Kuadhibu Uhalifu wa Mauaji ya Kimbari ulioletwa na Afrika Kusini dhidi ya Israeli.
Kwa hivyo Uturuki ni taifa la saba kujiunga na kesi hiyo, baada ya Nicaragua, Colombia, Libya, Mexico, jimbo la Palestina, na Uhispania.
Afrika Kusini ilianzisha kesi ya mauaji ya halaiki dhidi ya Israeli katika mahakama ya ICJ mnamo Desemba 26, 2023, ikidai kuwa Tel Aviv ilikiuka Mkataba wa Mauaji ya Kimbari ya 1948 kutokana na mashambulizi yake yanayoendelea Gaza.
