Katika mazungumzo ya hivi majuzi kwa njia ya simu, Rais wa Uturuki Recep Tayyip Erdogan na Rais wa Iran Ebrahim Raisi wamejadili kuhusu mashambulizi haramu ya Israel dhidi ya Gaza ya Palestina, utoaji wa misaada ya kibinadamu kwa Wapalestina, na hatua zinazowezekana kufikia usitishaji vita wa kudumu katika eneo hilo.
Rais Erdogan alisisitiza siku ya Jumapili umuhimu wa kuwa na msimamo mmoja hasa Uturuki na Iran, na ulimwengu wa Kiislamu dhidi ya ukatili wa Israel katika ardhi za Palestina.
Viongozi hao wameeleza dhamira yao ya kufanya kazi pamoja ili kugeuza usitishaji mapigano wa muda kuwa wa kudumu na kufikia amani ya kudumu katika eneo hilo.
Wakithibitisha kujitolea kwao kwa ushirikiano na umoja katika kushughulikia changamoto za kikanda, viongozi hao walijadili maandalizi na ajenda ya Baraza lijalo la Ushirikiano wa Ngazi ya Juu la Uturuki -Iran litakalofanyika nchini Uturuki.
