Rais wa Uturuki Recep Tayyip Erdogan aliibuka mshindi katika uchaguzi wa Rais na Bunge wa nchi hiyo kwa mkakati wake wa kampeni kwa ajili ya uchaguzi unaohimiza umoja na kukataa mgawanyiko wa kijamii, Mkurugenzi wa Mawasiliano Fahrettin Altun amesema.
"Rais Erdogan amekubali uthabiti na mshikamano kama maadili ya msingi katika siasa. Kinyume chake, mpinzani wake (Kemal Kilicdaroglu) hakujali kuwa na msimamo. Wala hakuwa na wasiwasi kuhusu ukweli. Alisema tu chochote alichohitaji kusema wakati alihitaji kusema," Altun alisema kwenye Twitter siku ya Jumatatu.
Uchaguzi wa rais na bunge wa Uturuki uliomalizika hivi majuzi ulionyesha tofauti kati ya mikakati ya kampeni iliyotumiwa na Erdogan na mpinzani wake, Altun alisema, akiongeza kuwa wakati Erdogan alizingatia kudumisha uthabiti, mshikamano, na kushughulikia maswala ya kijamii, mpinzani wake aliamua "kupendelea watu wengi na kampeni yenye kutumia nguvu kupita kiasi."
Kampeni hiyo iliendeshwa "katika hali ya haki na uwazi," alisema na kuongeza kuwa Rais Erdogan, akikabiliana na muungano wa vyama vya siasa kali za mrengo wa kulia na mrengo wa kushoto, aliendesha "kampeni ya kweli, bila kutoa ahadi za uongo na kurudisha nyuma mashambulizi ya taarifa potofu.
"Haikuwa tu misururu ya mitandao ya kijamii iliyoshiriki katika kampeni hiyo ya upotoshaji bali pia vyombo vikuu vya habari vya kitaifa na kimataifa. Cha kusikitisha ni kwamba, mpinzani wa Rais alikua msemaji wa kampeni hiyo binafsi," alisema.
Mwenendo wa kisiasa
Pia, licha ya juhudi za ajabu za Erdogan za kuzuia "mgawanyiko wa kisiasa usibadilike na kuwa mgawanyiko wa kijamii, mpinzani wake alifanya kila awezalo kubadilisha mgawanyiko wa kisiasa kuwa mgawanyiko wa kijamii na kuzidisha mgawanyiko huo. Hata walitumia matamshi ya chuki," alisema.
Mkurugenzi huyo alitaja kampeni za "ushabiki kupindukia na "hyperreal" na sera za mgawanyiko za wapinzani wa Rais Erdogan.
"Rais alijenga kampeni yake katika kanuni ya misingi ya sosholojia kulingana na hali halisi ya kijamii na kisiasa: 'Jamii ni zaidi ya jumla ya watu binafsi.' Ni kanuni hiyo, pamoja na dhamira yake ya kutetea haki za raia wote, ndiyo iliyoongoza juhudi zake za kushughulikia masuala ya kijamii,” alisema.
Altun alielezea kile Rais Erdogan alichomaanisha na maono ya "Karne ya Uturuki" katika ilani ya uchaguzi ya chama chake. "... Rais alitoa hati, iliyojumuisha mamia ya kurasa, inayoitwa "hatua sahihi kwa Karne ya Uturuki."
Alizungumza kuhusu miradi madhubuti, ambayo alinuia kuizindua kama sehemu ya mpango huo, katika mahojiano ya televisheni na katika hafla za kampeni."
Zaidi ya raia milioni 64.1 wa Uturuki walijiandikisha kupiga kura kwa duru ya pili ya uchaguzi jana, wakiwemo zaidi ya milioni 1.92 ambao awali walipiga kura katika vituo vya kupigia kura vya ng'ambo.
Karibu masanduku 192,000 ya kura yaliwekwa kwa wapiga kura kote Uturuki.
Kwa mujibu wa matokeo yasiyo rasmi, Erdogan alishinda kinyang’anyiro cha awamu ya pili kwa kupata asilimia 52.14, huku Kilicdaroglu akipata asilimia 47.86 ya kura, huku asilimia 99.43 ya masanduku ya kura yamefunguliwa hadi sasa.
