Na David S. Birdsell
Joe Biden amesalimu amri baada ya kukabiliwa na shinikizo kubwa la kujiondoa kama mgombea kwenye uchaguzi wa Marekani, kufuatia utendaji mbaya katika mjadala wa mwezi uliopita pamoja na wasiwasi unaoongezeka kuhusu umri na kuzeeka kwake.
Rais alikuwa amesisitiza katika kauli zake zote hadharani kuhusu kusalia kwenye kinyang'anyiro hicho. Alikuwa amesema mara kwa mara kwamba yeye ndiye chaguo bora zaidi kumshinda rais wa zamani na mgombea wa Republican Donald Trump na kwamba alitarajia kabisa kupata imani ya wapiga kura mnamo Novemba 5.
Lakini katika barua iliyotolewa mwishoni mwa juma, Biden alisema "Ninaamini ni kwa manufaa ya chama changu na nchi kwa mimi kujiuzulu na kuzingatia tu kutimiza wajibu wangu kama Rais kwa muda uliosalia wa muhula wangu."
Kupitia mtandao wa X, Biden pia alisema, "Leo nataka kutoa uungwaji mkono wangu kamili na kumidhinisha Kamala kuwa mteule wa chama chetu mwaka huu. Democrats - ni wakati wa kuungana na kumshinda Trump. Tulifanikishe hili."
Changamoto ya wazi ya Wanademokrasia sasa ni kujenga ushawishi mkubwa iwezekanavyo nyuma ya mgombea mbadala. Hiyo inaweza kumaanisha nini? Kwanza, ni muhimu kutochagua mgombea bila kumuarifu hapo mwanzo.
Kongamano la Wazi
Kweli, Makamu wa Rais Kamala Harris ndiye chaguo la kimantiki. Anavutia sana mtu kwa mtu yeyote anayetaka uhakika, lakini hili linamweka mbele mgombea wa pili ambaye haana umaarufu - nambari za kura za VP Harris zinafanana na za Rais - akiwa mahala pake bila uungwaji mkono na watu.
Chaguo bora zaidi lingekuwa kupitia kongomano la Demokrats, na kutumia majuma matatu kutoka sasa na hadi siku ya kwanza ya kongamano mnamo Agosti 19 ili kuonyesha wagombea watatu hadi watano.
Kuna wagombea wa hali ya juu. Mbali na VP Harris, kuna Magavana Gavin Newsom (California), Andy Beshear (Kentucky), Gretchen Whitmer (Michigan), Josh Shapiro (Pennsylvania), na Wes Moore (Maryland).
Magavana Whitmer na Shapiro ni viongozi maarufu katika majimbo ambayo Wanademokrasia lazima washinde ikiwa wanataka kushika urais. Wote ni vijana, wenye juhudi, wanakampeni hodari, na wanaohusishwa na nyadhifa za sera maarufu sio tu kati ya msingi wa Kidemokrasia, lakini wapiga kura huru pia.
Kwa nini kufanyike mchakato wa wazi wa kuchagua mgombea badala ya kutuea mmoja, kwa kuzingatia uwezekano halisi kwamba mchakato wa wazi bila ya kuwa na mteuliwa unaweza kuchochea tofauti nyingi za Wanademokrasia kati yao?
Jibu rahisi ni ushiriki wa wapiga kura na watazamaji.
Wapiga kura wengi, haswa wapiga kura wachanga, wameelezea kusikitishwa kwao kwamba hawakuwa na usemi wa kweli katika uongozi wa chama tangu Joe Biden, ambaye aliahidi mnamo 2020 kuwa "daraja la siku zijazo," alijidhihirisha wazi kama yeye ndio wa siku zijazo angalau hadi mwaka wa 2028.
Kuwapa watu nafasi ya kuchagua
Uchaguzi wa mchujo umekwisha na wapiga kura hawawezi kuwa na athari zozote za moja kwa moja kwa chaguo la Wanademokrasia, lakini kampeni fupi na ya heshima katika muda uliobanwa uliowekwa kwa wajumbe wa chaguo la kwanza katika kongamano la kitaifa wameombwa kufanya tangu 1972, ina uwezo wa kutengeneza vichwa vya habari vya kitaifa kila siku.
Tofauti sio tu na kongamano la Julai la Republican lakini kwa kila kongamano la nusu karne haikuweza kuwa wazi zaidi.
Rais tayari ameonyesha kumuunga mkono VP Harris, lakini bado hajawaagiza wajumbe wake kumsaidia. Hana uwezo wa kufanya hivyo, lakini wengi wangetii maagizo yake ikiwa atafanya uamuzi huo.
Anapaswa kujizuia. Ikiwa demokrasia yenyewe iko hatarini kweli, na rais amesema mara kwa mara kwamba iko hatarini, Wanademokrasia wanapaswa kufanya jambo dogo zaidi la kidemokrasia linalopatikana kwao kwa wakati huu: kufanya kongamano la wazi.
Mwandishi, David S. Birdsell, ni Mudiri na Makamu Mkuu wa Rais wa Masuala ya Kitaaluma, Chuo Kikuu cha Kean. Kazi ya kitaaluma ya Birdsell inahusisha mawasiliano, teknolojia na utawala. Ana digrii za bachelor na masters kutoka Chuo Kikuu cha Virginia, na ana Ph.D katika mawasiliano ya umma kutoka Chuo Kikuu cha Maryland.
