Mwanajeshi mmoja kutoka Afrika Kusini ameuawa na wengine 13 wamejeruhiwa katika mapigano na waasi wa M23 mashariki mwa Jamhuri ya Kidemokrasia ya Congo, jeshi lilisema Ijumaa.
Wanajeshi wa Afrika Kusini wamepelekwa DRC kama sehemu ya kikosi cha Jumuiya ya Maendeleo Kusini mwa Afrika (SADC) kinachosaidia serikali kukabiliana na uasi.
Kumekuwa na mapigano kadhaa kati ya kikosi hicho na M23, ya hivi karibuni zaidi yalitokea Alhamisi huko Sake, mji ulioko kilomita 25 magharibi mwa Goma katika eneo lenye machafuko la Kivu Kaskazini.
Kulingana na taarifa kutoka Makao Makuu ya Ulinzi ya Afrika Kusini, "mapigano yalizuka kati ya M23 na vikosi vyetu" ambapo "watu 13 walijeruhiwa na mmoja alijeruhiwa vibaya hadi kufariki".
Kuchukua eneo
"Wanachama wote waliojeruhiwa walihamishwa kwenda Hospitali ya Goma na wanaendelea kupona. Wakati huo huo, magari mawili ya deraya yaliharibiwa wakati wa mapambano," ilisema taarifa hiyo.
Vuguvugu la Machi 23 lilianza tena kampeni yake ya kijeshi mashariki mwa DRC mwishoni mwa mwaka 2021, likichukua maeneo makubwa katika jimbo lenye machafuko lakini lenye utajiri wa madini la Kivu Kaskazini.
Jeshi la Congo limejaribu kuzuia kundi hilo la waasi, ambalo limeizunguka Goma, mji mkuu wa jimbo, ambako mamia ya maelfu ya watu waliokimbia makazi yao wamepata hifadhi.
