Taarifa fupi iliyotolewa na Wizara ya Mambo ya Nje ya Sudan kuhusu mpatanishi huyo inakuja wiki chache baada ya mkuu wa jeshi la nchi hiyo, Jenerali Abdel Fattah Burhan, kudai katika barua kuwa mjumbe Volker Perthes aondolewe wadhifa wake.
Katibu Mkuu wa Umoja wa Mataifa António Guterres amearifiwa kwamba Perthes ametangazwa rasmi kuwa "persona non grata," Wizara ya Mambo ya Nje ilisema.
Perthes amekuwa mpatanishi mkuu nchini Sudan tangu ateuliwe kama mjumbe maalum mwaka 2021, wakati wa majaribio yaliyoshindwa ya nchi hiyo kuelekea demokrasia na kisha mahusiano kati ya jeshi na RSF yakizorota.
Umoja wa Mataifa wala Volker hawakutoa maoni mara moja.
Katika miezi ya hivi karibuni, mwanadiplomasia huyo wa Ujerumani amepokea vitisho vya kuuawa na miito mingi ya kujiuzulu, shirika la habari AP limeripoti
Mwezi uliopita, Burhan alimshutumu Volker Perthes kwa "kuwa mfuasi," na kuchangia vibaya mazungumzo ya kabla ya vita kati ya majenerali na vikundi vinavyounga mkono demokrasia katika wiki za mwanzo hadi mzozo.
Akijibu madai haya, Volker alisema kwamba wale waliomtishia walikuwa "wana itikadi kali" na kwamba kuna kuthaminiwa kwa juhudi za Umoja wa Mataifa nchini Sudan, alinukuliwa na shirika la habari la Associated Press
Tangu Aprili 15, wanajeshi wa Sudan, wakiongozwa na jenerali Burhan, na Kikosi cha Msaada wa Haraka, kinachoongozwa na Jenerali Mohammed Hamdan Dagalo, wameingia kwenye mzozo mkali wa madaraka.
Mzozo huo umesababisha vifor vya watu zaidi ya r860, kulingana na Jumuiya ya Madaktari ya Sudan ambayo imeripoti kufuatilia vifo vya raia. Idadi halisi ya vifo inaweza kuwa ya juu zaidi.
