Mahakama ya Rufaa imetoa uamuzi kwamba mpango wa serikali ya Uingereza wa kuwapeleka wakimbizi waomba hifadhi nchini Rwanda ni batili kisheria.
Jopo la majaji watatu wa rufaa lilikubaliana na wakimbizi na wapigania haki walioshtaki serikali, wakisema kuwa serikali ya Uingereza haiwezi kuhakikisha kuwa wakimbizi waliotumwa Rwanda hawatarejeshwa katika nchi wanayokimbia.
"Kumpeleka mtu yeyote Rwanda kutakuwa ni uvunjaji wa kifungu cha 3 cha Mkataba wa Ulaya wa Haki za Binadamu" ambao unasema kuwa hakuna mtu atakayewekwa katika mateso, matibabu au adhabu ya kikatili au ya kinyama, walisema majaji.
Majibu ya Rwanda
Kupitia ukurasa wa Twitter wa serikali ya Rwanda, serikali imesema kuwa "hatupendi kwamba mnadhani Rwanda si sehemu salama kwa wanaotafuta hifadhi."
Waliongeza pia kwamba "mfumo wa kimataifa unashindwa kuwalinda walio hatarini...".
Serikali ya Rwanda imesema inaendelea kuwa na ahadi ya makubaliano ya hifadhi licha ya uamuzi wa mahakama.
"Rwanda inaendelea kuwa na azma kamili ya kufanya kazi katika ushirikiano huu," msemaji wa serikali Yolande Makolo alisema kwa shirika la habari la AFP.
"Ingawa hii hatimaye ni uamuzi wa mfumo wa sheria wa Uingereza, tunakosoa uamuzi kwamba Rwanda sio nchi salama kwa wakimbizi na waomba hifadhi."
Waziri Mkuu wa zamani Boris Johnson alileta pendekezo hilo kujaribu kukabiliana na idadi kubwa ya wahamiaji wanaovuka Mfereji kutoka kaskazini mwa Ufaransa kwa boti ndogo.
Hata hivyo, pendekezo hilo lilisababisha maandamano makubwa kutoka kwa makundi ya haki za binadamu na mashirika ya hisani, huku changamoto za kisheria zilizopatikana kwa dakika za mwisho zikifanikiwa kuzuia safari za kwanza za kuwapeleka wakimbizi mnamo Juni mwaka jana.
