Mamlaka ya Zimbabwe iliwaachilia Ijumaa jumla ya wafungwa 4,270 kufuatia msamaha wa rais kabla ya uchaguzi mkuu baadae mwaka huu.
"Tungependa kutoa wito kwa jamii kwa ujumla kuwakumbatia na kuwakubali wafungwa ambao wameachiliwa," Jeshi la Magereza na Urekebishaji la Zimbabwe ,ZPCS, lilisema katika taarifa yake.
"Wale waliodhulumiwa wanahimizwa kuwasamehe," ZPCS iliongeza.
Zaidi ya vituo 50 vya kizuizini Zimbabwe vina uwezo wa kuhifadhi wafungwa wapatao 17,000, lakini vinawashikilia zaidi ya 22,000 kabla ya msamaha huo.
Msemaji wa ZPCS Meya Khanyezi, hata hivyo, alikataa maoni kwamba hatua hiyo haikuwa na lengo la kupunguza msongamano wa jela, akisema ni kitendo cha kiungwana cha rais.
Msamaha huo ulitolewa kwa makundi tofauti ya wafungwa wakiwemo waliotumikia angalau robo tatu ya kifungo chao au moja ya kumi ikiwa ni zaidi ya miaka 60.
Lakini wahalifu wenye jeuri na wale wanaotumikia muda kwa wizi, uhaini na utulivu wa umma, na makosa ya usalama walitengwa.
Rais Emmerson Mnangagwa alitoa msamaha kama huo mnamo 2020 ili kukomesha kuenea kwa Uviko-19 katika vituo vya kizuizini.
