Msako unaendelea kuwatafuta watu wenye silaha waliofyatua risasi na kuwaua maafisa wawili wa polisi kwenye kituo cha ukaguzi katika jimbo la Imo kusini siku ya Jumamosi.
Washambuliaji hao walifika kwa magari mawili katika kizuizi kwenye eneo la Ngor Okpala na kuwakabili maafisa wa polisi katika majibizano ya risasi kabla ya kutoroka, polisi wanasema.
"Polisi wetu wawili walipoteza maisha kutokana na shambulio hili, mmoja alijeruhiwa," msemaji wa polisi wa serikali Henry Okoye aliiambia TRT Afrika.
Polisi wamekamata gari moja lililotumika katika shambulizi hilo baada ya kutelekezwa na washukiwa hao, aliongeza.
Mamlaka imehusisha tukio hilo na kundi lililopigwa marufuku la kujitenga, Watu wa Asili wa Biafra (Ipob), ambalo limekuwa likichochea taifa huru la Biafra. Kundi hilo limeteuliwa na mahakama kama shirika la kigaidi.
Hii Inakuja huku kukiwa na hali ya ukosefu wa usalama katika eneo hilo ambapo maafisa watano wa polisi na wanandoa waliuawa na watu wenye silaha mwezi uliopita.
