Mawaziri wa mambo ya nje kutoka mataifa ya juu kiuchumi ya G20 walikutana nchini Afrika Kusini siku ya Alhamisi, huku kukiwa na mvutano kati ya wanachama kuhusu vita vya Ukraine, migogoro ya kibiashara na mwanadiplomasia mkuu wa Marekani kukaa pembeni kutokana na uhasama na wenyeji.
Nchi za G20, ambazo zinawakilisha baadhi ya 85% ya Pato la Taifa na robo tatu ya biashara, mara nyingi zinatatizika kuafikiana, lakini mifarakano ya kijiografia na kisiasa tangu uvamizi wa Urusi wa 2022 nchini Ukraine umeifanya kuwa na mkanganyiko zaidi kuliko hapo awali.
Mfarakano umeongezeka tangu Rais Donald Trump aingie madarakani mwezi mmoja uliopita na kutekeleza mabadiliko ya haraka katika biashara na sera za nje za Washington.
"Mvutano wa kisiasa wa kijiografia na kuongezeka kwa kutovumiliana, migogoro na vita ... kunatishia kuwepo kwa ushirikiano wa kimataifa ambao tayari ni tete," Rais wa Afrika Kusini Cyril Ramaphosa, ambaye anashikilia urais wa zamu wa kundi hilo, alisema katika hotuba ya ufunguzi wa mkutano huo, ambao unamalizika Ijumaa.
Afŕika Kusini inauona mkutano wa kwanza wa G20 katika bara hili kama fuŕsa ya kupata mataifa tajiŕi kuzingatia maswala ya nchi maskini zaidi – hali inayozidi kuwa mbaya ya kukosekana kwa usawa, hatua duni za nchi tajiri kuhusu mabadiliko ya hali ya hewa, na mfumo wa kifedha unaopendelea benki za uwekezaji kuliko wadaiwa maskini.
"Wale wanaohusika zaidi na mabadiliko ya hali ya hewa, mna jukumu na wajibu wa kusaidia wale ambao wanahusika kidogo," Ramaphosa alisema, huku pia akitoa wito wa "uendelevu wa madeni kwa nchi za kipato cha chini."
Marekani haikuhudhuria
Waziri wa Mambo ya Nje Marco Rubio mapema mwezi huu alikataa kama "mbaya sana" ajenda iliyokubaliwa hapo awali ya "anuwai, usawa na ushirikishwaji".
Kisha Trump akakata msaada wa Marekani kwa Afrika Kusini katika mzozo wa kiitikadi na jitihada za mwisho za kurekebisha dhuluma za kihistoria za rangi katika umiliki wa ardhi - na juu ya kesi yake ya mauaji ya kimbari dhidi ya mshirika wa Marekani Israel katika Mahakama ya Kimataifa ya Haki.
Mkutano huo unafanyika wakati Trump amepinga sera ya Marekani ya mshikamano na Ukraine huku akitaka kuleta amani katika vita vyake na Urusi.
