Kampuni ya mawasiliano ya Afrika Kusini, Telkom, mnamo Jumanne ilitangaza mapato ya mwaka mzima imeshuka kwa asilimia 76.6.
Sababu ya shinikizo la mfumuko wa bei na kuongezeka kwa gharama za uendeshaji huku ni matatizo ya kukatika kwa umeme nchini humo.
Kampuni ya mawasiliano inayomilikiwa na serikali kwa kiasi kikubwa ilisema mapato yake ya mwanzo kwa kila hisa - kipimo kikuu cha faida nchini Afrika Kusini - yalishuka hadi senti 134.6 kutoka senti 575.3 katika miezi 12 iliyomalizika Machi 31.
Kama makampuni mengine ya mawasiliano ya Afrika Kusini, kampuni hiyo imelazimika kuvumilia hali mbaya zaidi ya kukatika kwa umeme nchini humo kuwahi kurekodiwa na kuacha biashara na maeneo ya makazi za watu gizani kwa hadi saa 10 kila siku.
Makampuni ya mawasiliano yana changamoto nyingine ya ziada ya mitandao ya simu huku kukatika kwa umeme kukiendelea kuharibu biashara.
"Kampuni ya Telkom imepitia mwaka mzima wa viwango vikubwa vya upakiaji na idadi ya kutisha ya matukio ya wizi na uharibifu unaolenga miundombinu ya mtandao," kampuni hiyo ilisema katika taarifa ikirejelea kukatwa kwa umeme.
