Jeshi la Sudan na kikosi pinzani cha wanamgambo ambacho kimekuwa kikipigana kwa siku nne zilizopita kwa ajili ya kudhibiti nchi hiyo wamekubaliana kusitisha mapigano kwa saa 24, ripoti za vyombo vya habari zimesema.
Bado, saa chache kabla ya kuripotiwa kusitishwa kwa mapigano kuanza Jumanne, vikosi vinavyowatii majenerali wawili wakuu wa Sudan viliendelea kupigana katika mitaa ya Khartoum, na kusisitiza udhaifu wa juhudi za kuleta hata kusitishwa kwa ghasia zinazozidi ambazo zimetishi kuongeza zaidi machafuko.
Mamilioni ya raia wa Sudan katika mji mkuu na miji mingine wamejificha majumbani mwao, huku wakikabiliwa na mapigano huku vikosi hasimu vikishambulia maeneo ya makazi kwa mizinga na mashambulio ya angani na kufanya makabiliano ya risasi nje.
Masaa machache yaliyopia jeshi la Sudani lilisema halina taarifa kuhusu maridhiano.
"Hatuna taarifa kuhusu uratibu na wapatanishi wa kimataifa kuhusu mapatano yoyote," jeshi lilisema katika taarifa Jumanne.
"Wito wa kusitisha mapigano huu wa waasi kwa sasa unalenga kuficha kushindwa kwao," iliongeza.
Kamanda wa RSF Mohamed Hamdan Dagalo alisema mapema katika siku hiyo kwamba alikubali suluhu ya saa 24 baada ya kuzungumza na Waziri wa Mambo ya Nje wa Marekani Antony Blinken.
"RSF inathibitisha tena kuidhinisha uwekaji silaha wa saa 24 ili kuhakikisha raia wanapita salama na kuwahamisha waliojeruhiwa," alisema.
Dagalo, anayejulikana zaidi kama Hemetti, alizungumza kwa simu na Blinken, ambapo alisema walijadili "maswala muhimu nchini Sudan."
"Tulijadili masuala muhimu nchini Sudan na kujitolea kwetu kwa pamoja kwa uhuru, haki na demokrasia kwa watu wetu," Hemetti alisema katika taarifa yake.
Wakati huo huo, mkuu wa Shirika la Afya Ulimwenguni alitoa wito Jumanne kwa pande zinazozozana nchini Sudan kutoa ufikiaji wa vituo vya matibabu kwa wale wote wanaohitaji huduma, akionya kwamba vifaa vya matibabu na wafanyikazi katika mji mkuu wanapungua.
