Na Yusuf Kamadan
Ni kundi tofauti la wanafunzi waliotolewa kutoka vyuo vikuu kote Uturuki, na wako kwenye misheni mbali na nyumbani.
Mradi uliopewa jina "Tumeanguka katika Upendo wa Giza, Tunaenda kwenye Kampeni" sio mada tu; ni ushahidi wa safari ya mabadiliko ya wanafunzi hawa wa vyuo vikuu, iliyoandaliwa na Jumuiya ya Kimataifa ya Vijana (Uluslararası Genc Dernegi), wakifanya kazi kama mabalozi wa nia njema wanapojihusisha na kujifunza vipengele vya vitendo vya ujasiriamali wa kijamii.
Lengo kuu la mradi ni kuwezesha ushirikiano wa Uturuki na Afrika. Kama sehemu ya mabadilishano haya ya kitamaduni, wanafunzi wa chuo kikuu waliochaguliwa walifika katika mikoa mbalimbali katika bara la Afrika. Misheni yao? Kushiriki kikamilifu katika shughuli mbalimbali za maendeleo, kuchangia katika kuboresha jamii.
Lakini mradi unakwenda zaidi ya matendo yanayoonekana ya uhisani. Inahusu kukuza hisia za uraia wa kimataifa huku ikikuza uzoefu wa kimataifa miongoni mwa washiriki.
Wanafunzi wanapojitosa katika maeneo ya Kiafrika, wanakuwa mawakala wa mabadiliko, wanaobeba matarajio na nia njema sio tu ya nchi yao bali jumuiya ya kimataifa. Zinajumuisha kiini cha kazi ya kimataifa ya kiraia, kuonyesha athari kubwa ambayo watu binafsi wanaweza kuwa nayo wanapounganishwa na kusudi moja.
Chukua Huseyin Aslan kwa mfano. Mwanafunzi wa Hisabati katika Chuo Kikuu cha Istanbul Medeniyet, alikuwa miongoni mwa kundi la watu wanne wa kujitolea waliotumwa Tanzania.
Safari yao ilianza na misheni ya kukarabati Nur Madrasa (shule ya kidini ya jadi), mahali patakatifu pa maarifa na kiroho kwa wanafunzi 190 huko Dar es Salaam.
Kwa siku tano, vijana hawa walijitolea kwa kazi ya kufufua mahali hapa pa kujifunza, kuchora na kupaka rangi ndani na nje. Harakati za mwiso za brashi zilipotumika, sala ya pamoja iliwaunganisha wanafunzi, kuvuka mipaka ya lugha na utamaduni.
Athari za uzoefu huu, kama Huseyin alivyoelezea TRT World, ilikuwa ni jambo ambalo ni vigumu kuwasilishwa kupitia maneno. Ili kuelewa kikweli hisia zilizotawala katika nchi hizi za mbali, mtu alipaswa kuwa pale ana kwa ana, anasisitiza.
Nchini Tanzania, ambako Uislamu ulikuwepo tangu karne ya tisa, watu waliojitolea walishuhudia furaha ambayo maji safi yangeweza kuleta katika vijiji vya mbali.
Visima vyenye maji safi, vilivyochimbwa kwa hisani ya serikali ya Uturuki,katika bustani za shule katika kijiji cha Kibesa huko Masaki, vikitoa usaidizi wa vitendo na ujumbe wenye nguvu kuhusu thamani ya elimu.
Walisisitiza umuhimu wa ulimwengu wote wa kupatikana, maji safi na athari ya mabadiliko ya elimu.
Huseyin hakuweza kujizuia kuhisi hisia ya kina ya shukrani kwa wingi na ustawi katika maisha yake mwenyewe.
Tanzania, ambapo Wakristo na Waislamu wanaishi kwa umoja, ilisimama kama kielelezo angavu cha uvumilivu kwa karne ya 21. Ilikuwa ni mahali ambapo watu binafsi hawakuhukumiwa au kutengwa kulingana na imani yao. Huseyin aliona ni muhimu kukuza hadithi hii, kuhimiza uelewano na umoja bila kujali uhusiano wa kidini wa mtu.
Mradi wa "Tumependa ......." ni ukumbusho wa nguvu kwamba wakati akili changa na mioyo yenye huruma inapokutana, wanaweza kuleta mabadiliko chanya ambayo yanaenea zaidi ya mipaka ya kijiografia.
Wanafunzi hawa, wakiwa wamejizatiti kwa elimu yao na kujitolea bila kuyumbayumba, wanasaidia kuunda dunia angavu na iliyounganishwa zaidi.
Kupitia kujitolea kwao, sio tu kwamba wanapanua uwepo wa Uturuki barani Afrika lakini pia wanaboresha maisha ya wale wanaowagusa katika safari yao.
Kwa Halil Ibrahim Aksen, mwanafunzi wa Sayansi ya Siasa na Uhusiano wa Kimataifa katika Chuo Kikuu cha Ibn Haldun huko Istanbul, matukio ya kuelimisha niliyapata nchini Uganda.
Alipozama katika ulimwengu wa kitamaduni usiojulikana, aligundua umuhimu wa ishara ndogo. Alijionea mwenyewe jinsi hata kitu rahisi kama kitu cha waottokuchezea kinaweza kuwasha furaha machoni pa watoto wa hapo.
Wakati huo huo, Hamza Erfidan, mwanafunzi wa mwaka wa pili wa Mawasiliano katika Chuo Kikuu cha Galatasaray, alijikuta Senegal, mahali ambapo uchunguzi wa utamaduni tofauti ulikuwa kionjo tu.
Kilichomgusa zaidi ni ukarimu uchangamfu na fadhili za kweli za watu wa Senegal. Maeneo ya kijiografia ya Dakar na Thies yakawa zaidi ya maeneo kwenye ramani; yakawa sehemu ya hadithi yake mwenyewe. Utayari wa wenyeji kutoa msaada na uvumilivu wao uliacha alama zisizofutika kwenye kumbukumbu yake.
"Katika kukabiliana na changamoto zilizotokana na tofauti za kitamaduni, hali ya hewa na mambo mengine, watu wa Senegal walionyesha joto na ukarimu wa ajabu, na kugeuza vikwazo kuwa fursa za ukuaji wa kibinafsi." Aliambia TRT World.
Kila aliyekutana naye Hamza alimkumbusha uzuri unaotokana na kukumbatia utofauti, na uwezo wa watu kufanya kazi pamoja ili kutatua matatizo.
Uzoefu huu haukuwa tu kuhusu kugundua haiba ya Senegali; Bali pia kuelewa jinsi watu wangeweza kusaidiana na kuunda kitu kizuri kutoka kwa utofauti wao.
Lilikuwa ni somo la maisha ambalo Hamza alijua atakaa nalo milele.
Mbunifu wa michoro Rabia Kubra Sevinc alikwenda Ghana. "Tulitoka Uturuki tukiwa na wasichana wadogo saba, kwa lengo la kukarabati vyumba viwili vya madarasa katika sehemu ya chekechea ya Shule ya Kiislamu ya Darul Hijra huko Accra, mji mkuu wa Ghana, na kutoa vifaa vya kusaidia wanafunzi katika elimu.
Tulikuwa tukikamilisha kazi za ukarabati shuleni na kucheza michezo na wanafunzi. Walikuwa wakitutazama kila mara tulipokuwa tukifanya kazi.
"Ilikuwa nzuri kushuhudia msisimko wa watoto waliotazama ukarabati wa shule zao kwa udadisi na kushiriki katika furaha hii." Sevinc anasimulia TRT World.
“Ghana ni nchi tofauti sana na utamaduni niliouzoea. Hii ilinifanya niangalie kila kitu na kila mtu kwa mshangao. Nilikuwa nikikutana na utamaduni mpya, lakini watu walikuwa wenye urafiki na wenye furaha sana hivi kwamba sikujihisi kuwa mgeni hata kidogo.
Uzuri wa watu wake na uzuri wa jiografia ya Ghana ulichangia hili. Ghana inatuvutia kwa asili yake na mandhari ya kijani kibichi.” anaongeza.
Masimulizi yao yanasisitiza nguvu ya mabadiliko ya kubadilishana kitamaduni na athari ya kudumu ya kuwafikia wale wanaohitaji.
Sio tu juu ya usaidizi wa nyenzo waliopanua, lakini madaraja ya uelewa na umoja waliyoweka.
Kila mmoja aliyejitolea kwa njia yake mwenyewe, alisaidia kufuma ulimwengu unao ng'aa na wa utandawazi mkubwa.
