Mazishi ya Makamu wa Rais wa Malawi Saulos Chilima, ambaye alifariki katika ajali ya ndege Jumatatu, yatafanyika Julai 17, vyombo vya habari vya ndani vinaripoti kwa kunukuu waziri wa habari.
Chilima na wengine wanane walikuwa wakielekea katika mji wa kaskazini mwa nchi hiyo wakati ndege ya kijeshi, ilipotoweka kwenye rada za uwanja wa ndege huku ikiruka katika hali mbaya ya hewa.
Mabaki ya ndege hiyo yalipatikana Jumanne katika misitu minene na eneo lenye milima. Wote waliokuwa ndani ya ndege hiyo walifariki.
Waziri wa Habari Moses Kunkuyu aliwaambia waandishi wa habari Jumatano kuwa Makamu wa Rais atazikwa nyumbani kwake Nsipe, katika eneo la kusini la Ntcheu, baada ya mazishi ya kitaifa.
Uchunguzi wa maiti
Mke wa Rais wa zamani Patricia Shanil Dzimbiri, ambaye alikuwa miongoni mwa waliofariki, atazikwa kwa heshima kamili za kijeshi Ijumaa, waziri aliongeza.
Uchunguzi wa mwili utafanywa na wataalamu huru kabla ya mazishi, kulingana na tangazo la serikali.
Rais Lazarus Chakwera Jumanne alitangaza siku 21 za maombolezo ya kitaifa kwa heshima ya makamu wake na waathirika. Kipindi cha maombolezo ya kitaifa kinamalizika Jumatatu Julai 1.
Wanachama wa Baraza la Usalama la Umoja wa Mataifa Jumatano walifanya zoezi la kukaa kimya kwa dakika moja kumheshimu Chilima kabla ya mkutano unaohusu ukiukwaji wa haki za binadamu wa Korea Kaskazini.
