Serikali ya Sudan Kusini, kwa ushirikiano na mashirika ya Umoja wa Mataifa, imeanza kampeni ya chanjo kukabiliana na mlipuko wa kipindupindu, kulingana na taarifa ya Jumanne.
Imesema kumekuwa na maambukizi 2,555 na vifo 32 vimeripotiwa na karibu 37% ya vifo kati ya watoto tangu Oktoba 28.
Takriban 150,000 katika Kaunti ya Renk wanatarajiwa kupokea chanjo za kuokoa maisha ambazo zilinunuliwa na kutolewa kwa msaada wa Umoja wa Mataifa.
Imeongeza kuwa zaidi ya dozi milioni 1 ziko njiani kuwafikia Wasudan Kusini, ikiwa ni pamoja na katika mji mkuu wa taifa wa Juba.
Kutoa huduma ya afya
"Juhudi hizi ni sehemu ya kampeni pana inayohusisha serikali, mashirika ya Umoja wa Mataifa, NGOs na washirika, inayolenga kutoa huduma za afya, utoaji wa maji safi na uhamasishaji wa usafi," ilisema taarifa hiyo.
Iliongeza kuwa mlipuko huo unaathiri wakimbizi, wanaorejea na wakazi. Watoto, haswa walio na umri wa chini ya miaka 5 na wazee, wanakabiliwa na hatari.
Waziri wa Afya Yolanda Awe l Deng alisema chanjo hizo ni muhimu ili kulinda idadi ya watu.
"Ninatoa wito kwa umma, wataalamu wa afya na viongozi wa jamii kufanikisha kampeni huku wakichukua kila hatua inayowezekana kuzuia kuenea kwa ugonjwa huo," alisema katika taarifa yake.
Mratibu wa Misaada ya Kibinadamu wa Umoja wa Mataifa kwa Sudan Kusini, Anita Kiki Gbeho, alisema kwamba mlipuko wa ugponjwa huo unahitaji mbinu iliyoratibiwa na ya haraka kutoka sekta mbalimbali.
"Umoja wa Mataifa umejitolea kufanya kazi kwa karibu na Serikali ya Sudan Kusini ili kuhakikisha uratibu jumuishi, mawasiliano ya wazi ya umma, na ushirikishwaji wa data wa uwazi, muhimu kwa utayarishaji mzuri, utayari na majibu," alisema Gbeho.
Chanjo ni sehemu moja tu ya sekta mbalimbali na chombo cha gharama nafuu zaidi kudhibiti kuibuka kwa kipindupindu.
Taarifa hiyo ilisema Umoja wa Mataifa umetoa mafunzo na kupeleka timu za kukabiliana na hali ya dharura, pamoja na kuwasilisha tani 22 za vifaa vya matibabu na kipindupindu kwa Renk na miji mikuu ya majimbo ya Central Equatoria, Jimbo la Upper Nile, Jimbo la Unity na Juba.
Kushirikisha jamii ni kupitia matangazo ya redio na kutembelea kaya imetumika kusambaza maelezo ya kuimarisha afya. Usambazaji wa maji na huduma ya usafi wa mazingira unafanywa kuwa salama zaidi kwa tembe za kusafisha maji, miyeyusho ya mdomo ya kuongeza maji mwilini na sabuni.
