Rais wa Nigeria amsimamisha kazi mkuu wa tume ya uhalifu wa kiuchumi

Rais wa Nigeria Bola Tinubu amemsimamisha kazi mwenyekiti wa Tume ya Uhalifu wa kiuchumi na Kifedha, Abdulrasheed Bawa.

Tinubu alisema Jumatano kusimamishwa kwa muda kwa muda usiojulikana kutaruhusu mamlaka kuchunguza madai ya matumizi mabaya ya ofisi dhidi ya Bawa.

Rais alimuagiza Bawa kukabidhi kazi za ofisi yake kwa Mkurugenzi wa Uendeshaji wa Tume, hadi uchunguzi ukamilike.

Madai mahususi ya matumizi mabaya ya ofisi dhidi ya Bawa bado hayajulikani, ingawa hapo awali alikabiliwa na shutuma za kuwafikisha washukiwa wa ufisadi kinyume na maagizo ya mahakama.

Bawa aliteuliwa kuwa mwenyekiti wa wakala wa kupinga ufisadi mnamo Februari 2021 na Rais wa zamani Muhammadu Buhari baada ya idhini ya bunge.