Mkuu wa serikali inayoongozwa na jeshi la Niger ameishutumu Ufaransa kwa kutaka "kuvuruga" nchi hiyo - miezi saba baada ya kuwafukuza wanajeshi wa Ufaransa wanaoshiriki katika mapambano dhidi ya ugaidi.
"Tamaa hii mbaya ya kuyumbisha Niger imeenea kwa kuwekwa upya kwa mawakala wote wa DGSE ya Ufaransa (huduma za kijasusi) ambazo tuliwafukuza katika eneo letu," Jenerali Abdourahamane Tiani alisema Jumamosi.
Alikuwa akizungumza katika mahojiano ya saa mbili kwenye televisheni ya umma ya Niger kuadhimisha miaka 64 ya uhuru wa nchi hiyo.
Tangu kutwaa mamlaka Julai 26 mwaka jana, serikali mpya nchini Niger imerejesha ushirikiano wake wa kimataifa.
Iliamuru ukoloni wa zamani Ufaransa mwishoni mwa mwaka jana kuwaondoa wanajeshi wake walioko katika taifa la Sahel kupambana na makundi yenye silaha.
Safu ya mpaka ya Benin
"Wamewekwa tena Nigeria na Benin," alisema, akimaanisha "hatua ya kudhoofisha" iliyofanywa na "makundi ya mawakala wa uasi waliovalia nguo za kiraia" na "pamoja na vikosi vya jeshi la Benin wenyewe wamevaa nguo za kiraia".
Nigeria ilikuwa imekanusha kuwapa makao wanajeshi wa Ufaransa waliofurushwa kutoka nchi jirani kufuatia tetesi kuwa wanahamia huko.
Niger mara kwa mara inashutumu nchi jirani ya Benin kwa kuhifadhi "kambi za Ufaransa", ambazo mamlaka za Benin na Ufaransa zimekuwa zikikanusha kila mara.
Shutuma hizi zimekuwa mzizi wa migogoro ya kidiplomasia kwa miezi kadhaa na Benin, ambayo ilichukua msimamo mkali katika vikwazo vizito vilivyowekwa na Jumuiya ya Kiuchumi ya Afrika Magharibi baada ya mapinduzi.
Muungano wa Sahel
Licha ya kuondolewa kwa vikwazo mwezi Februari, Niamey imekataa kufungua tena mpaka wake na imekata bomba ambalo lilikuwa la kusafirisha mafuta ghafi kupitia bandari ya Benin.
"Siku tutajua kwamba hakuna tishio kutoka Benin, tutachukua hatua zinazofaa" ili kufungua tena mpaka, Tiani alisema.
Wakati Niger ikiwa katika msuguano na Benin, imejenga uhusiano wa karibu na nchi jirani za Burkina Faso na Mali, nchi mbili pia zinazotawaliwa na tawala za kijeshi zilizoingia madarakani kwa mapinduzi.
Zikiwa zimekusanyika ndani ya shirikisho la Muungano wa Nchi za Sahel, nchi hizo tatu hivi karibuni zinaweza kufaidika na mafuta ya Niger, Tiani alisema.
