Muigizaji mkongwe wa Nigeria John Okafor, maarufu Mr Ibu, amefariki akiwa na umri wa miaka 62, chama cha waigizaji cha Nigeria (AGN) kinasema.
Mr Ibu alifariki Jumamosi katika hospitali ya Evercare Lekki, katika mji mkuu wa kibiashara wa Lagos, Nigeria.
Kwa mujibu wa Emeka Rollas Ejezie, rais wa waigizaji cha Nigeria (AGN), msanii huyo alipata mshtuko wa moyo.
Muigizaji huyo alipelekwa kwenye chumba cha wagonjwa mahututi mida ya alasiri, lakini alifariki baadaye kutokana na maumivu yake.
Mguu mmoja wa Mr. Ibu ulikatwa mnamo Novemba 2023 kwa sababu za kiafya.
Familia yake ilisema kuwa guu hilo lilikatwa kufuatia ushauri wa madaktari ili kuokoa maisha yake baada ya damu kuganda kwenye mguu wake.
Familia hiyo iliongeza kuwa alizuiwa kusafiri nje ya nchi kupata matibabu maalumu kwani ilikuwa haiwezekani wakati huo kwa sababu "madaktari walishauri dhidi ya hatua hiyo.
Muigizaji huyo alifanyiwa upasuaji angalau mara nane kutokana na ugonjwa wake, kulingana na familia yake.
Mnamo mwezi Novemba, familia yake ilitisha mchango kutoka kwa mashabiki na wasamaria wema ili kukusanya fedha kwa ajili ya matibabu ya Mr Ibu, wakiongeza kuwa ilikuwa ghali sana.
