Waziri Mkuu wa Uingereza Rishi Sunak amemfukuza Waziri wa Mambo ya Ndani Suella Braverman, ambaye aliwaudhi wengi kwa kuwashutumu polisi kuwa wapole sana kukabiliana na waandamanaji waliokuwa wakiunga mkono Palestina.
Serikali imesema kuwa Braverman ameachishwa kazi kama sehemu ya mabadiliko kwenye baraza la mawaziri siku ya Jumatatu.
Waziri Mkuu Sunak amekuwa chini ya shinikizo kubwa la kumfukuza Braverman, mtu mwenye kuzua mgawanyiko aliyependwa na mrengo wa mamlaka wa kimabavu wa Chama tawala cha Conservative.
Kupitia shutuma zisizo za kawaida, dhidi ya polisi wiki iliyopita, Braverman alisema polisi wa London walikuwa wakipuuza uvunjaji sheria wa "makundi ya Wapalestina."
Aliwataja waandamanaji wanaotaka kusitishwa kwa mapigano huko Gaza kama "waandamanaji wa chuki."
Siku ya Jumapili, kauli hizo zimelaumiwa kuchochea hatua ya waandamanaji wa mrengo wa kulia kupigana na polisi mjini London.
Wakosoaji walimshtaki Braverman kwa kusaidia kuchochea mvutano.
