Idara ya Kiintelijensia ya Uturuki (MIT) imefanikisha uokoaji wa mateka watano wa Thailand waliokuwa wakishikiliwa Gaza, kufuatia jitihada za kidiplomasia na majadiliano.
Mateka hao waliachiwa huru siku ya Alhamisi kama sehemu ya jitihada za usuluhishi katika kanda, Wizara ya Mambo ya Nje ya Uturuki imesema.
Jitihada za kidiplomasia za Uturuki
Wakifanyia kazi kazi agizo la Rais Recep Tayyip Erdogan, MIT ilishirikiana na maofisa wa Thailand toka mwanzo wa mchakato huo, ikiendeleza majadiliano na kikundi cha Hamas kufanikisha kuachiwa kwa mateka hao, imesema wizara hiyo.
Diplomasia ya kiintelijensia ya Uturuki ilifanya jitihada kubwa kufanikisha kuachiwa kwa mateka hao.
Usuluhishi mkubwa
Kuachiwa kwa mateka hao kunakuja baada ya makubaliano ya kusitisha mapigano kati ya Hamas na Israeli, yaliyofanyika Januari 13, 2025 ambayo yalifanikishwa na Uturuki.
Mbali na jitihada za usuluhishi, MIT ilisaidia kuokoa raia waliojeruhiwa, raia wa Uturuki na wengine kutoka Gaza ya Palestina.
Uturuki imeahidi utayari wake katika kuimarisha amani ya kikanda na ulinzi wa raia, na kuendelea kujihusisha na diplomasia ili kusaidia wale walioathiriwa na machafuko hayo.
